ضلع خیبر: پاک افغان پوله بارډ سره نزدې د ضلع خیبر له وادي تیراه څخه د ځایی خلکو نقل مکاني شروع ده، د باران او واورې وریدلو له امله نورو ځایونو ته په رسیدو کې دې خلکو ته سختې ستونزې رامخي ته شوي دي
د ضلع خیبر ضلعي انتظامیه لوري په یو خبرپاڼه کې ویل شوي دي چې د وادي تیراه څخه کډه کوونکو کورنیو لپاره ی اسانتیاوې او سهولتونه برابر کړي دي او په لارو کې د سرکونو پاکولو لپاره اړوند ادارو ته لارښوونه کړې ده ترڅو له تیراه څخه خلک په خوندي توګه نورو سیمو ته کډه شي
د ډپټي کمشنر ضلع خیبر دفتر وایی چې د خیبر پښتونخوا وزیر اعلی محمد سهیل آفریدی په ځانګړو لارښوونو د خیبر ضلعي انتظامیې تر څار لاندې د وروستۍ واورې اورېدو له امله بند پاتې شوي آی ډي پیز دخوندي ځایونو ته د انتقالولو لپاره بیړني اقدامات روان دي۔
په خبرپاڼه کې وایی چې بند پاتې کورنۍ د پائنده چینه ښوونځي او هاسټل ته لېږدول کېږي او د بیړنیو مرستو په لړ کې د پي ډي ایم اې له لوري ۱۲ ټرکونو چې د امدادي توکو ډک دي متاثرینو لپاره لیږدول شوي دي
ضلعي انتظامیه وایی چې په په یادو ټرکونو کې ۱۵۰ کمبلې، ۵۰۰ مېټرسونه، ۵۰۰ خیمې، ۵۰۰ بړستې ، ۲۰۰ بزکي، ترپالونه، شیټونه، سویټرې، د ماشومانو لپاره ګرم کالي او نور ضروري توکي شامل دي، چې نن به اغیزمنو کورنیو له ورکړل شي
په خبرپاڼه کې وایی چې له پېښوره د رېسکیو ۱۱۲۲ له لوري د ۲۰ څخه زیاتو امبولانسونو پر مشتمل قافله وادي تیراه ته رسېدلې ده۔ ټولې اغېزمنې شوې کورنۍ به نن شپه هاسټل او د پائنده چینه ښوونځي ته په خوندي ډول ولېږدول شي۔
په بېلابېلو لویو لارو بند پاتې کسانو ته بیړنۍ مرستې په چټک ډول ورکول کېږي۔ د رېسکیو ۱۱۲۲ د ټیمونو تر څار لاندې لومړی ښځې او ماشومان او وروسته نارینه خوندي ځایونو ته انتقالېږي۔خیبر: د ژغورنې او مرستې چارې به تر ناوخته پورې روانې وي، تر څو ټولې کورنۍ خوندي ځایونو ته ورسول شي۔
بل لوري ته له وادي تیراه څخه راغلي راپورونه وایی چې د پاکستان آرمي ځوانان هم په لارو کې له تیراه څخه په عارضي ډول نقل مکاني کوونکو کورنیو سره مرستې کوي، په رسنیو داسې انځورونو خپاره شوي دي چې پکې د پاکستان پوځ ځوانان په سختو واورو کې له تیراه متاثرینو سره مرستې کوي، له سرکونو څخه واورې صفا کوي ترڅو ځایی خلک په خوندي ډول نورو خوندي سیمې ته ورسي
