د افغانستان د صنعت او سوداګرۍ وزارت د معلوماتو له مخې د دغه وزارت مرستیال وزیر مولوي احمدالله زاهد د یوې رسمي پلاوي په مشرۍ کې د بنګله دیش په ر رسمي سفر روان شوي دي
د افغانستان طالبانو حکومت دې پلاوي کې، چې بنګله دیش ته ی سفر کړې شاوخوا ۵۰ ملي سوداګر هم شامل دي
په یوه اعلامیه کې چې د یکشنبې په ورځ خپره شوې، ویل شوي چې د دې سفر پر مهال به د افغانستان او بنګله دېش ترمنځ د دوه اړخیزو سوداګریزو اړیکو او د سوداګرۍ د پراختیا پر موضوعاتو خبرې وشي۔
اعلامیه زیاتوي چې د صادراتو او وارداتو د اسانتیاوو، ګډو پانګونو فرصتونو او د سوداګریزو همکاریو د پیاوړتیا په اړه به هر اړخیزې خبرې اترې ترسره شي
د خپور راپور ترمخه په دې مهم سفر کې به افغان پلاوې د بنګلادیش اړوند سوداګرۍ وزارتونو مشرانو سره ملاقاتونه وکړه او د دواړو هېوادونو ترمنځ د ګډو تفاهملیکونو د لاسلیک په اړه به هم پرمختګ وشي
د دې سفر موخه د افغان ملي سوداګرو لپاره د نوو بازارونو موندل، د افغان تولیداتو د صادراتو د فرصتونو پراخول، او په سیمهییزه کچه د اقتصادي همکاریو پیاوړتیا ده
د صنعت او سوداګرۍ وزارت ټینګار کړی چې دا ډول سفرونه د هېواد د اقتصادي ودې، د سوداګرۍ د پراختیا او د ملي اقتصاد د پیاوړتیا لپاره مهم او اغېزمن رول لري
دلته باید یادونه وشی چې د افغانستان او پاکستان ترمنځ د روانې ترینګلتیا وروسته افغان طالبانو حکومت د بیله بیلو ګاونډي هیوادونو ته سفرونه کوي، په دې هیوادونو کې هند او د منځنۍ آسیا هیوادونو هم شامل دي چې افغان طالبان غواړي دوی سره سوداګریزو معاهدو لپاره معاهدې وکړې او دې هیوادونو سره د دوه اړخیز تجارت ته وده ورکړي