په افغانستان کې د ښځو له لوري په سپورټي فعالیتونو کې ګډون جرم بلل شوی او افغان طالبانو د تکواندو یوه ښځینه روزونکې نیول شوې ده
د راپورونو له مخې، د ۲۲ کلنې ښځینه تکواندو انسټرکټره خدیجه احمدزاده د طالبانو د امر بالمعروف پولیسو له خوا نجونو ته په پټه د روزنې ورکولو په تور نیول شوې او زندان ته لېږدول شوې ده
دا نیونه وروسته له هغې شوې چې په افغانستان کې ښځو پر سپورټي فعالیتونو سخت بندیزونه لا نور هم سخت شوي دي
د رُخشاناه مېډیا د معلوماتو له مخې، خدیجه احمدزاده د لوېدیځ ښار هرات په یوه استوګنیزه ودانۍ کې د پارکینګ په ساحه کې نجونو ته تکواندو کراټې ټریننګ ورکولو چې د چاپې پر مهال ونیول شوه
د سرچینو ترمخه په ټریننګ کې نورې زده کوونکې وتښتېدې، خو خدیجه، د هغې پلار او د ودانۍ مالک نیول شوي او د هرات مرکزي زندان ته لېږدول شوي دي
ځايي سرچینې وایي، دا هڅه د ښځو پر سپورټي بندیزونو د تېښتې لپاره شوې وه۔ د پېښې وروسته د خدیجه احمدزاده ټولنیزې شبکې هم بندې کړل شوې دي۔
دلته مهمه ده چې باید یادونه وشی چې کله نه چې په افغانستان کې له ۲۰۲۱ کال وروسته افغان طالبانو واک راغلې نو د ښځو پر تګ راتګ، زده کړو او عامه فعالیتونو تر ۱۵۰ زیات بندیزونه لګول شوي دي
دا هم باید یادونه وشی چې په افغانستان کې سره له دې بندیزونو د ښځینه وګړو پټه روزنه هم د خاموش مقاومت په توګه ګڼل کېږي