په هند کې د مودي حکومت لوري د مسلمانانو او نورو لږکیو پر ضد د کرکې په پیښو کې ۱۳دیارلس سلنه زیاتوالې راغلې دې
د امریکا یو څېړنیز ګروپ انډیا هېټ لېب له لوري په هند کې د لږکیو پر ضد د کرکېزو پېښو په اړه نوې راپور خپور کړې دې
د راپور له مخې، په ۲۰۲۵ کال کې د مسلمانانو او نورو لږکیو پر ضد ۱۳۱۸ د کرکې پېښې ثبت شوې دي
راپور کې وایی چې دا شمېر د ۲۰۲۴ کال له ۱۱۶۵ او د ۲۰۲۳ کال له ثبت شوو پېښو څخه ډېر دی
راپور وایي، د دغو پېښو ډېری برخه په هغو ایالتونو کې رامنځته شوې چېرې چې د مودي ګوند بي جي پي واکمنه ده او د پاکستان هند د تاوتریخوالي پر مهال، د اپرېل له ۲۲مې تر د مې تر ۷مې پورې تر ټولو زیات، یعنې شاوخوا ۱۰۰ پېښې ثبت شوې دي
په راپور کې د ایمنسټي انټرنېشنل، هیومن رائټس واچ او نورو نړیوالو بشري حقونو سازمانونو څرګندونو ته هم اشاره شوې، چې پکې د مودي د واکمنۍ پر مهال د لږکیو پر ضد د ناوړه چلند اود کرکې ډکو و پېښو د زیاتوالي اندېښنه څرګنده شوې ده
د خبري ایجنسۍ د معلوماتو له مخې، نړیوال بشري حقونو سازمانونو له دې وړاندې هم ویلي چې د مودي په واکمنۍ کې د لږکیو پر ضد د زور زیاتي او کرکې پېښې زیاتې شوې دي دلته ددې خبرې باید یادونه وشي چې په هند کې د سیکانو لږکیو خالصتان تحریک هم دوام لري او د سیکانو دا تحریک په نړیواله کچه له هند څخه غوښتنه کوي چې دوی له دې د هند په پنجاب کې د آزاد او خپلواک خالصتان ریاست حق ورکړل شي