امریکایي سفارتکار اینډي هېلس ویلي، چې د پاکستان او امریکا اړیکې دا مهال د خپل تاریخ تر ټولو لوړې کچې ته رسېدلي دي
دا څرګندونې هغه د یوه پوډکاسټ پر مهال کړی هغی وویل چې د امریکا ولسمشر ډونلډ ټرمپ، د پاکستان لومړی وزیر شهباز شریف او فیلډ مارشل سید عاصم منیر ترمنځ قوي اړیکې د دواړو هېوادونو ترمنځ د باور او پیاوړې ملګرتیا څرګندونه کوي
د اینډي هېلس په وینا، د ولسمشر ټرمپ له لوري د پاکستان په اړه مثبتو څرګندونو نه یوازې په رسمي کچه، بلکې د ولسي کچې پر باور او نېکو اړیکو هم مثبت اغېز کړی دی. هغه وویل، دغو څرګندونو د دواړو هېوادونو د ولسونو ترمنځ نږدېوالی زیات کړی دی. امریکایي سفارتکار زیاته کړه، چې د کانونو او منرالونو په برخه کې د امریکایي سوداګریزو شرکتونو لېوالتیا په چټکۍ سره لوړېږي، او د پاکستان ولس هم د امریکایي شرکتونو پانګونې او راتګ ته ښه راغلاست وايي. د هغه په وینا، د اقتصادي همکارۍ نوي فرصتونه به د دواړو هېوادونو اړیکې لا نورې هم پیاوړې کړي