د روان کال جنورې د میاشتې په ۶مه نیټه د پاکستان پوځ ویاندې ادارې آيی ایس پي ار ویاند لیفټننټ جنرل احمد شریف په یو پریس بریفنګ کې اوویل چې د پاکستان دفاعي ځواکونو په تیر کال ۲۰۲۵ اکتوبر په میاشت کې ناقانه ګرځول شوې ډلې تحریک طالبان پاکستان ترهګر په نښه کړل
په خبري کانفرنس کې هغه اوویل چې د پاکستان ځواکونو په دې بریدونو کې افغان طالبان نه دي په نښه کړي او موږ سره ددې ټول ثبوتونه شته چې څوک ترهګر دي او څوک ترهګري کوي
ډي جي آیی ایس پي آر اوویل چې موږ ته ټول معلومات شته چې په کومو کومو سیمو کې ځای ورکړل شوې دې ،زیاته ی کړه چې د ترهګرو لورې لس لوی پیښې او بریدونه ترسره شول
هغه اوویل ترهګرو په ملکي وګړواو نورو اسانو هدفونو بریدونه وکړل او دا او دا ټول ترهګریز بریدونه د افغانانو له لوري ترسره شوي دي
لېفټیننټ جنرل احمد شریف چودهري وویل، داسې تاثر جوړول کېږي چې ګواکې دا جګړه یوازې د پوځ ده، ټینګار ی وکړو چې نا دا د ټول ملت جګړه ده او د هر ماشوم جګړه ده. که د ترهګرۍ دا ناسور له منځه یووړل نشي، نو سبا به په ښوونځیو، دفترونو او کوڅو کې هم بریدونه کېږي
د ډرون بریدونو په اړه هغه اوویل چې داسې تاثر هم ورکول کېږي چې پاکستان پوځ ډرونونه کاروي، هغه زیاته کړه چې د ترهګرو لوی ملاتړ کوونکی هند دی او دا هرڅه د هند په ملاتړ کیږي ،وې ویل چې بهرني ترهګر ترهګر اوس وسله وال کواډ کاپټر کاروي
ډي جي آیی ایس پي آر اوویل چې ترهګر جوماتونه، عام ځایونه او دخپلې دفاع لپاره عام کورونه کاروي او د هغوی یوه ځانګړې ډله د چاودیدونکو مواد ډک کواډ کاپټرونو څخه هم استفاده کوي
ټینګار ی وکړه چې خوارج په جوماتونو کې ناست دي او کواډ کاپټرونه د ترهګرۍ لپاره کاروي، زیاته ی کړه چې ترهګر ښځې او ماشومان یې د سپر په توګه استعمالوي، خو د پاکستان پوځ یوازې ترهګر او د هغوی ملاتړ کوونکي په په نښه کوي
پاکستان بیا بیا دا دریځ چې افغان خاوره د ټي ټي پي لوري کارول کیږي، په نړیوال فورمونو را اوچته کړې ده خو طالبان له دې انکار کوي
ملګرو ملتونو هم ناقانونه ګرځول شوې ډله تحریک طالبان پاکستان د پاکستان او د سیمې هیوادونو لپاره یو لوی ګواښ بللې دې نو وس وخت راغلې چې افغان طالبان خپل د ضد سیاست پریږدي او د ټي ټي پي پر ضد داسې اقدام وکړي چې نړیوال هیوادونو او ملګرو ملتونو ته معلومه شی چې افغان طالبانو په رښتیا د ترهګرو پر ضد اقدام کوي چې دا سیمه له ترهګرو پاکه کړي