د امريکا یو مشهورې ورځپاڼې نيويارک ټايمز د راشټريه سويم سېوک سنګهـ (آر اېس اېس) د سل کلنې تاريخ په اړه يو تفصيلي او سخت انتقادي راپور خپور کړی دې
په راپور کې ويل شوي چې دا يو پټ، نيم پوځي او هندو توندلارې نظرياتي تنظيم دی چې ورو ورو يې د هند سياسي نظام تر خپل اغېز لاندې راوستی دی
د نيويارک ټايمز د څیړنی تر مخه ، د آر اېس اېس د روزنې کېمپونه له ۱۹۲۵ کال راهيسې د مذهبي کرکې د منظمولو مرکزونه پاتې شوي دي۔ راپور وايي چې د دې تنظيم بنسټيز هدف هند په يو هندو قومپالې دولت بدلول دي، او د آر اېس اېس ځينې توندلاري د اډولف هټلر په څېر د نسلپالنې له نظرياتو د اثر لاندي دی
امريکايي ورځپاڼه ليکي چې د بابري جومات نړول په حقيقت کې د هند د سيکولر اساسي قانون ماته وه، او له هغې وروسته په هند کې مذهبي لږکۍ د دويمې درجې وګړو په توګه چلند کېږي۔
د راپور ترمخه د آر اېس اېس سل کلنه ستراتېژي د “هندو برلاسۍ پروژه” پاتې شوې ده۔
نيويارک ټايمز دا هم وايي چې بهارتيه جنتا ګوند (بي جې پي) يوازې يوه سياسي ډله نه ده، بلکې د آر اېس اېس سياسي څېره ده
دا راپور وایی د وزيراعظم نريندر مودي حکومت د آر اېس اېس د ايډيالوژۍ پر بنسټ د جمو او کشمير ځانګړی حيثيت ختم کړو او د مهاتما ګاندي د قاتل له فکره تر مودي پورې، د آر اېس اېس سياسي سفر له تاوتريخوالي او وينو سره تړلی پاتې شوی دی۔
نيويارک ټايمز ادعا کوي چې آر اېس اېس مسلمانان او نورې لږکۍ خپل دښمنان ګڼي، او همدغه تنظيم په ۱۹۴۸ کال کې مهاتما ګاندي “مسلمان نواز” وباله، چې وروسته د هغه د وژل کېدو لامل وګرځېد
راپور خبرداری ورکوي چې د هند دننه د توندلارې زياتېدونکی نفوذ نه يوازې د لږکيو حقونه ګواښي، بلکې د ټولې سيمې پر ثبات هم ژور اغېز کولی شي
