اسلاماباد : امنیتي او سیمهییزو چارو کارپوهانو یو ځل بیا جدي اندېښنه څرګنده کړې چې هند د کابل نړیوال هوايي ډګر له لارې تحریک طالبان پاکستان (ټي ټي پي) ته پوځي تجهیزات او وسلې برابروي۔
د معلوماتو له مخې، دا وسلې او مهمات هره اوونۍ یو یا دوه ځله د هندي مسافر وړونکو الوتکو د کارګو په نوم افغانستان ته لېږدول کېږي
سرچینې وایي چې د کابل او ډیلي ترمنځ هوايي لار، چې د ۲۰۲۵ کال په پای کې د سوداګریزو او ډیپلوماټیکو اړیکو د بیا رغونې په نوم بېرته فعاله شوې وه، اوس د وسلو د لېږد لپاره کارول کېږي، د افغانستان او هند له خوا کوم ښکاره غبرګون نه دی راغلی
څیړونکی وایي د سوداګریزو توکو پر ځای درنې وسلې او مهمات لېږل کېږي، چې وروسته د پاکستان دننه په ترهګریزو بریدونو کې کارول کېږي
پاکستان له دې وړاندې هم څو ځله دا اندېښنه څرګنده کړې چې هند د ګاونډیو هېوادونو له خاورې په استفادې د پاکستان دننه د ناامنۍ او بېثباتۍ هڅې کوي۔ د پاکستان د بهرنیو چارو وزارت او پوځي مشرتابه په وار وار دا ادعا رد کړې چې په افغانستان کې مېشت د ټي ټي پي عناصر یوازې کډوال دي، بلکې ویلي یې دي چې دا ډلې د کډوالۍ تر پلمې لاندې په پاکستان کې ترهګریزو فعالیتونو کې ښکېلې دي
د پاکستان د پوځ د عامه اړیکو مشر (ډي جي آی اېس پي آر) د ۲۰۲۵ کال په اکتوبر کې ویلي وو چې په تېر کال کې د پاکستان دننه د ترهګریزو پېښو پر مهال له ۱۶۰ څخه زیات افغان وګړی وژل شوي، او همداراز یې پر هند تور لګولی و چې د افغانستان خاوره د پاکستان پر ضد د اډې په توګه کاروي
پاکستاني چارواکي وایي چې دا ډول فعالیتونه د سیمې د امنیت لپاره یو جدي ګواښ دی او که پر وخت او اغېزمن اقدامات ونه شي، نو د سیمې بېثباتي به لا زیاته شي۔ د چارواکو په وینا، د دې تورونو په اړه نړیوالو فورمونو ته د شواهدو وړاندې کول او سفارتي هڅې نورې هم چټکېږي
په وادي تیراه کې واوره شوې د ضلع خیبر په وادي تیراه کې واوره شوې ده، د ځایی خلکو ترمخه په میدان کې واوره شوې، میداني او غریځو سیمو د واورې سپین څادر اغوستې او د سیمې ښایست ی یو په دوه کړې
