راولپنډۍ ، دسمبر 29، 2025: د پاکستان امنیتي ځواکونو نن د ګل په ورځ د باجوړ ضلعې د خار په سیمه کې کامیاب استخباراتي عملیات ترسره کړی چې پکې د فتنہ الخوارج سره تړلي پنځه هندي ملاتړ لرونکي وسلوال ووژل شول
د پاکستان پوځ د میډیا څانګې ویلی دا عملیات د باور وړ استخباراتي معلوماتو پر بنسټ پیل شول، چې له مخې یې د هندي پراکسي په توګه کارکوونکي خوارج ترهګر په سیمه کې موجود وو.
د عملیاتو پر مهال ځواکونو په مؤثر ډول د ترهګرو پر ضد نښته وکړه او پنځه ترهګر یې له منځه یووړل
د پاکستان امنیتي ځواکونو په زړورتیا د ترهګرو پر ضد نښته وکړه خو ترهګرو سره د ډزو د تبادلې پر مهال، مېجر عادل زمان چې عمری 36 کاله وو شهید شو
شهید میجر عادل د ډېره اسماعیل خان ولسوالۍ اوسېدونکی و، د خپلو سرتېرو مشري کوله او په ډیره زړورتیا یې د ترهګرو پر ضد جګړه وکړه او په آخر کې د ترهګرو لوري شهید کړې شو
د وژل شوو وسلوالو څخه وسلې او مهمات هم ترلاسه شول، د آیی ایس پي ار راپور ترمخه وژل شوي ترهګر د امنیتي ځواکونو، قانون پلي کوونکو ادارو او بېګناه ولس پر ضد په ګڼو ترهګریزو فعالیتونو کې ښکېل پاتې شوي وو
د پوځ د میډیا څانګه وایی چې په سیمه کې د نورو احتمالي وسلوالو له منځه وړلو لپاره اپریشن دوام لري ترڅو سمه له ترهګرو پاکه کړي او د عام وګړو ژوند خوندي کړي
بیان کې ټینګار شوی چې د فدرالي اپېکس کمېټې له خوا د ملي عمل پلان تر منظوري لاندې د عزمِ استحکام د لیدلوري په رڼا کې به د پاکستان امنیتي ځواکونه او قانون پلي کوونکې ادارې د بهرني ملاتړ لرونکي ترهګرۍ له منځه وړلو لپاره خپلې نه ودریدونکي هڅې په بشپړ قوت سره جارې ساتي
نورخبرونه: پاکستان ملي تګلاره په خپله جوړوي: ډی جي آیی ایس پي ار
د عمران خان بیانیه یوازی سیاست ته نه بلکې ملي امنیت ته ګواښ دی: ډې جی آئی ایس پی آر
