تورخم: پاک ـ افغان تورخم پوله له درې میاشتو راهیسې د سوداګرۍ لپاره تړل شوې ده، چې له امله یې ټرانسپورټران او مزدوران ډېر زیانمن شوي دي. د غریبو ټرانسپورټرانو کورونه بې ډوډۍ پاتې شوي او د خاندان ماشومان مو لوږي تیروي، مزدوران د پولې د بندېدو له امله د ځان وژنې په څېر سختو ګامونو ته اړ شوي دي
د لنډي کوتل سیمې سینئر ټرانسپورټر او ټرانسپورټ اتحادیی مشر حاجي رحمان زیب آفریدی، د کسټم کلیرینس ایجنټس ایسوسي ایشن یونین مشر مجیب شینواري، د تورخم مزدورانو یونین مشر سلام شینواري د نورو ټرانسپورټرانو او مزدورانو سره په لنډي کوتل کې د تورخم او پیښور په لویه لار د سرحد تړلو پر ضد احتجاج وکړو
رسنیو سره په خبرو کې حاجي رحمان زیب آفریدی، حاجي ګل عالم آفریدی، ولي شینواری، سیفور خان، عالم داد آفریدی وویل چې درې میاشتې تېرې شوې خو تورخم پوله لا هم د سوداګرۍ لپاره تړلې ده.
دوی وویل چې د پولې بندېدو له امله ټرانسپورټران او مزدوران له سخت مالي ستونزو سره مخ دي. زموږ په موټرو کې د کروړونو روپیو سوداګریز مال بند پاتې دی، ټینګار ی وکړه چې د ګاړو ټایرونه خراب شوي او په لکونو روپۍ تاوان مو کړې دې
هغوی زیاته کړه چې د افغانستان سره د سوداګرۍ بندېدو له امله د پاکستان خزانې ته په اربونو ډالر زیان رسېدلی دی، زیاته ی کړه چې د پاکستان او افغانستان چارواکو دا شخړه په خبر اترو هواره کړي
د مزدوارانو یونین مشر سلام شینواري اوویل چې د سرحد تړلو له امله دلته ځایی خلک په ځان وژنو مجبور شوي دي ، وې ویل چې په سیمه کې بې روزګاري زیاته شوي دي ځکه د تورخم پرته نه خو په لنډي کوتل کې کارخانې شته او نه بل کوم روزګار
دوی غوښتنه وکړه چې د پاکستان او افغانستان حکومتونه دې په ګډه د دې ستونزې د حل لپاره کښېني او تورخم پوله دې زر تر زره د سوداګرۍ لپاره خلاصه کړي
نورخبرونه: جلال اباد کې د افغان سوداګرو مهمه غونډه شوې
د لنډي کوتل پولیسو په تورخم کې درې شکمن ماشومان ونیول
نن په ۵۸مه ورځ هم پاک افغان سرحد د کاروباري هلوځلو لپاره تړلې دې