اسلاماباد: اسلامې هېوادونو او آیی سي په ګډون د شلو څخه زیاتو مسلمان اکثریت لرونکو هېوادونو د بهرنیو چارو وزیرانو د اسرائیلو لهخوا د صومالی لینډ سیمې د رسمیت پېژندنې راپور شوی اقدام په کلکو ټکو وغنده او دا یې د نړیوال قانون ښکاره سرغړونه او د سیمې او نړۍ د سولې لپاره جدي ګواښ ګرځولی
په اسلاماباد کې خپره شوې ګډه اعلامیه کې د اردن، مصر، الجزایر، کوموروس، جیبوتي، ګامبیا، ایران، عراق، کویټ، لیبیا، مالدیف، نایجیریا، عمان، پاکستان، فلسطین، قطر، سعودي عربستان، سومالیا، سوډان، ترکیه، یمن او د او آیی سي استازو د ۲۰۲۵ کال د دسمبر پر ۲۶مه د اسرائیلو دا ګام په ښکاره ډول رد کړ او ددې اقدام ی په کلکو ټکو کې غندنه وکړه
په اعلامیه کې ویل شوي چې د صومالیا د فدرالي جمهوریت د یوې برخې په رسمیت پېژندنه د افریقا د ښکر او د سره سمندر په سیمه کې د سولې او امنیت لپاره جدي پایلې لري او د نړیوالې سولې او ثبات بنسټونه زیانمنوي
وزیرانو ټینګار وکړ چې دا اقدام د ملګرو ملتونو د منشور او نړیوال قانون د اصولو پر وړاندې د اسرائیلو ښکاره بېپروايي څرګندوي
د بهرنیو چارو وزیرانو دا هم وویل چې دغه ډول پېژندنه د دولتونو د حاکمیت او ځمکنۍ بشپړتیا له اساسي اصولو سره په ټکر کې ده
هغوی د وصمالیا د فدرالي جمهوریت د حاکمیت، ملي یووالي او ځمکنۍ بشپړتیا بشپړ ملاتړ تکرار کړ او هر هغه اقدام یې رد کړ چې د صومالیا واکمني تر پوښتنې لاندې راولي
په اعلامیه کې خبرداری ورکړل شوی چې د خپلواکو هېوادونو د برخو پېژندنه یو خطرناک اقدام دې او د نړیوالې سولې او امنیت لپاره جدي ګواښ دی. همدارنګه، اعلامیې هر ډول هڅه رد کړه چې دا اقدام د فلسطیني ولس د جبري بېځایه کولو له هڅو سره وتړي، او ټینګار یې وکړ چې د خلکو جبري ایستل په هېڅ ډول د منلو وړ نه دي
مهمه ده چې باید یادونه وشی چې دا ګډه اعلامیه د او آیی سي د غړو هېوادونو متحد دریځ څرګندوي چې د نړیوالو منل شوو پولو او د نړیوال قانون د اصولو پر ضد یو اړخیز اقدامات نه مني
