د پاکستاني طالبانو ډلې ، تحریک طالبان پاکستان فتنه الخوارج ادعا کړې چې د نوې کال له پيل سره سم يې دننه پاکستان کې نوې تنظيمي ګمارنې ترسره کړې دي
د ډلې رسمي رسنۍ عمر ميډيا د چهارشنبې په ورځ په خپور کړي بيان کې ويلي چې د هېواد د ځينو سيمو لپاره ی نوي واليـان، د قطعو قوماندانان او استخباراتي مسؤلين ټاکل شوي دي
په بيان کې د نوو ټاکل شويو کسانو نومونه او د دندو جزييات نه دي څرګند شوي، خو ويل شوي چې دا بدلونونه د تنظيم د اداري جوړښت د پياوړتيا په موخه ترسره شوي دي
امنیتي شنونکي دا ډول ادعاوې د روانې شخړې د تبليغاتي اړخ برخه بولي
د يادونې وړ ده چې د تېر ۲۰۲۵ کال د ګمارنی وروسته، پاکستان د امنيتي پېښو له امله ځاني او مالي زيانونه هم تجربه کړي وو. تر دې مهاله د پاکستان حکومت د دغو ادعاوو په اړه کوم رسمي دريځ نه دی اعلان کړی
دلته مهمه ده چې یادونه وشي چې امریکایی مجله په خپل یو راپور کې وایی چې په افغانستان کې له امریکا د ملیاردونو ډالرو وسله پاتې شوي ده او دا وسله تحریک طالبان پاکستان په بلیک مارکیټ کې ترلاسه کړې ده
په راپور کې وایی چې هم دا وسله وس ټي ټي پي د پاکستان پر ضد کاروي او ددې وسلې په وسیله وس ټي تي پي د پاکستان امنیتي ځواکونو سرتیري په نښه کوي