د روسيې د دولتي خبري ایجنسی تاس په خپل رپورټ کی وایی د دسمبر په ۲۴مه د تاجکستان او افغانستان پر پوله هغه مهال خونړۍ وسلهواله جګړه رامنځته شوه، کله چې وسلهوالو د افغان خاورې څخه تاجکستان ته د نفوذ هڅه وکړه
پېښه د تاجکستان د سوېلي ختلون ولايت د شمسالدين شاهين ولسوالۍ ته څېرمه رامنځته شوې کله چی تاجک پولیسو د وسلهوالو يوه ډله ودروله
چارواکو ويلي، وسلهوالو د نيول کېدو پر مهال مقاومت وکړ، چې له امله يې سخته ډزې تبادله شوه. په دې نښته کې درې وسلهوال ووژل شول او دوه تاجک پولهساتونکو هم خپل ژوند له لاسه ورکړ
دنښتې وروسته، امنيتي ځواکونو د وسلهوالو له خوا پرېښودل شوی د وسلو او تجهيزاتو يو لوی زېرمتون ونيولو، چې پکې د ایم ۱۶ بريدګرو ټوپکونه، تومانچې، لاسي بمونه، چاودېدونکي توکي او د شپې ليد وسايل لاس ته راغلي
د تاجکستان امنيتي ادارو ويلي، دا په تېره يوه مياشت کې د افغانستان له خاورې څخه د پولې د اوښتو درېيمه هڅه ده، چې د پولې پر اوږدو د مخ پر زياتېدونکو امنيتي ګواښونو اندېښنې يې راپارولي دي
تر اوسه د افغانستان د طالبانو چارواکو د دې پېښې په اړه کوم غبرګون نه دی ښودلی. تاجک چارواکي وايي، پلټنې روانې دي او په اغېزمنو سيمو کې د پولې امنيت نور هم ټينګ شوی دی