افغان غږ نشریاتی ادارې ویلي چې د مقاومت جبهې يو مهم مشر جنرال اکرامالدين سريع د ايران په پلازمېنه تهران کې د ناڅرګندو وسلهوالو کسانو لخوا په ډزو وژل شوی دې
سرچينې وايي، پېښه د شپې شاوخوا ۹ بجې هغه مهال رامنځته شوې، کله چې نوموړی له خپل کارځای څخه کور ته روان و.
تر دې دمه د بريد ذمه واری چا په خپله غاړه نه ده اخستي
خو اټکلونه ښيي، چې دا وژنه ښايي د مقاومت جبهې دننه د خپلمنځي اختلافاتو نتېجه وي.د دې وړاندې هم د ايران مېشتو د مقاومت جبهې د غړو ترمنځ د ژورو اختلافاتو او يو بل ته د تورونو راپورونه خپاره شوي وو، او ويل کېږي چې جنرال سريع ته تر مرګ وړاندې ګواښونه هم شوي وو
اکرامالدين سريع په ايران کې د مقاومت جبهې د غړو د انسجام مسووليت درلود او د دې جبهې له کليدي مشرانو څخه شمېرل کېده
نوموړي د پرځېدلي جمهوريت پر مهال د جنرالۍ رتبه لرله او د بغلان او تخار ولايتونو د امنيې قومندان په توګه يې هم دنده ترسره کړې وه
چارواکو تر دې دمه د پېښې په اړه رسمي دريځ نه دی خپل کړی، او دوی د یاد مشر په د وژنې په اړه پلټنې پیل کړي دي
مهمه ده چې یادونه وشی چې د افغانستان ملی مقاومت فرنټ په افغانستان کی وخت په وخت په حکومتی قواوو د حملو ذمه هم اخلی او دعوی کوی چی په شمالی افغانستان کی د طالبانو په ضد وسله واله مبارزی ته دوام ورکړي
