په داسې وخت کې چې په افغاستان کې د ژمي ساړه پيل شوي ،د افغانستان په یو شمیر سیمو کې افغانستان ته واپس راستانه شوي افغان مهاجرین له یو شیمر ستونزو سره مخ دي
د ژمي په دې ساړه کې د کونړ اولس بیا په ځانګړي توګه دې وروستۍ زلزلې له امله بدا اغیزمن شوي دي خو په دې وخت کې د کډوالو په چاروک کې د ملګرو ملتونو عالي کمیشنرۍ لوري یو مهه خبر مخې ته راغلې دې
د رارسیدلي خبر ترمخه د کډوالو په چارو کې د ملګرو ملتونو عالي کمیشنري او د اسلامي پراختیا بانک په ملاتړ افغانستان کې د روغتیایي خدمتونو د پیاوړتیا په موخه نوې پروژه پیلوي
دغې کمیشنرۍ ویلي چې د دې پروژې بودیجه ۳ میلیونه ډالر ده، چې د دې لارې به د راتلونکو دوو کلونو پرمهال د افغانستان په کونړ، کندهار او ډایکنډي ولایتونو کې په ټولو خدماتو سمبال درې روغتیایي کلینکونه جوړ او پرانیستل شي
د کډوالو په چارو کې د ملګرو ملتونو عالي کمیشنرۍ په وینا، دغه مرکزونه به څهباندې ۲۴۰ زره راستنو شویو، بېځایه شویو او کوربه ټولنو ته اساسي روغتیایي خدمتونه وړاندې کوي
د افغانستان د خیر ښیګړي تنظیمونو مشرانو، حکومتي چارواکو او ځوانانو د کډوالو د چارو نړیوالې ادارې ، یو این ایچ سي آر څخه ځانګړې مننه کړې چې د افغانستان په ولایت کونړ،کندهار او دایکنډي کې روغتیایی مرکزونه خلاصوي
