د پاکستان له بېلابېلو سيمو څخه د ټولو مکتبه فکر دیني عالمانو په يوه مهمه غونډه کې، په هېواد کې د هر ډول وسلهوالې مبارزې په ښکاره او په ګډه غندنه وکړه
د غونډې له پای وروسته په خپره شوې ګډه اعلاميه کې ويل شوي چې وسلهواله مبارزه، که د اسلام په نوم وي او که د قوميت تر شعار لاندې، د هېواد او ټولنې لپاره زيانمنه ده
د غونډې مشري د جمعيت علمای اسلام (ف) مشر مولانا فضل الرحمن کوله او د بېلابېلو مذهبي ګوندونو او مسلکونو استازو پکې ګډون وکړو او د امن، يووالي او ملي ثبات پر ارزښت ی ټينګار وکړ
په لس نکاتی ګډ بيان کې وویلی شوی چی په پاکستان کې وسلهوال تاوتريخوالی يوازې د هېواد دښمنو عناصرو ته ګټه رسوي او د ولس امن، پرمختګ او ثبات له جدي ګواښ سره مخ کوي
اعلاميه ټينګار کوي چې اسلام د امن، زغم او د دولتي نظم د درناوي پيغام لري، او هر ډول وسلهوال فعالیتونه نه يوازې د اسلامي تعليماتو خلاف دي، بلکې د هېواد د امنيت او ثبات لپاره هم جدي خطر ګڼل کېږي
په اعلاميه کې له افغان اسلامي امارت څخه هم په څرګنده غوښتنه شوې چې خپله خاوره دې د هغو “ډلو او کړيو” لپاره د فعاليت مرکز نه ګرځوي چې په افغانستان کې له شته اسانتياوو څخه په استفادې پاکستان کې د تخريب او ترهګرۍ کړنې ترسره کوي
د پاکستان دیني عالمانو وويل چې د سيمهييز امن او ثبات لپاره د دواړو هېوادونو ترمنځ همکاري او د تاوتريخوالي مخنيوی اړين دې
هم دارنګه فتوی ددی وړاندی په افغانستان کی هم علماوو جاری کړی وه چی پکی وویلی شوی وو د هیواد دننه او بهر په ګاونډی هېوادونو کی جهاد یا وسله واله مبارزی څخه منع کړی شوي وو
