اسلام آباد: پاکستان د افغانستان د طالبانو له واکمنو چارواکو پر ضد د افغان خاورې ترسره شوي له یوې مرګونې ترهګریزې حملې وروسته سخت احتجاج کړې دې
دغه برید د شمالي وزیرستان په یوه پوځي کیمپ شوی او پکې څلور پاکستاني سرتېري شهیدان شوي دي
د پاکستان د بهرنیو چارو وزارت د رسمي بیان له مخې، دا برید د خوارج وسلهوالو له لوري شوی چې د خوارجي ګل بهادر ډلې سره تړاو لري او له افغان خاورې ترسره شوی دې
د پېښې په غبرګون کې، په اسلاماباد کې د افغانستان د سفارت مرستیال د بهرنیو چارو وزارت ته را غوښتل شوی تر څو د پاکستان ژوره اندېښنه ورته ورسول شي
د بهرنیو چارو وزارت ویلي چې د افغان طالبانو د رژیم له لوري دی ډلې ته پرلهپسې ملاتړ او اسانتیاوې ورکول کېږي، چې له امله یې یادې ډلې د پاکستان پر پوځي ځواکونو او ملکي وګړو، په ځانګړي ډول د پاکستان ـ افغانستان پولې او شاوخوا سیمو کې ترهګریز بریدونه ترسره کوي
پاکستان ټینګار کړی چې په افغانستان کې د دغو ډلو لپاره موجود نرم او ازاد چاپېریال د کابل له نړیوالو ژمنو سره په ټکر کې دی، په ځانګړي ډول له هغو ژمنو سره چې افغانستان پاکستان سره کړې وې چې خپله خاوره به د کوم بل هېواد پر ضد د ترهګرۍ لپاره نه کاروي
اسلاماباد د برید په اړه د بشپړې پلټنې او د ټولو عاملینو او مرسته کوونکو پر ضد د ښکاره اقدام غوښتنه کړې ده
همداراز افغان طالبانو ته ویل شوي چې له خپلې خاورې د فعالیت کوونکو ټولو ترهګرو ډلو پر ضد، د هغوی د مشرانو په ګډون، سمدستي، عملي او د تایید وړ ګامونه واخلي او د افغانستان خاوره د پاکستان پر ضد د ترهګرۍ لپاره د کارېدو مخه ونیسي
په بیان کې دا هم ویل شوي چې پاکستان په څرګندو ټکو افغان طالبانو ته خبر ورکړی چې د خپلې ملي حاکمیت د دفاع او د خپلو وګړو د ساتنې حق لري او د افغانستان له خاورې د راپورته کېدونکې ترهګرۍ پر وړاندې به ټول اړین اقدامات ترسره کړي
د پاکستان بهرنیو چارو وزارت هغه اعلامیه چې پکې ی افغان سفیر ته د بویا کیمپ ځانمرګي برید په اړه سخت احتجاج کړې دې