د افغانستان په هرات ولایت کې ځایي سرچینې وايي، لږ تر لږه ۳۰ افغان وګړي ایران ته د ناقانونه تګ پر مهال د سختې یخنۍ له امله مړه شوي دي
په افغانستان کې د خراب اقتصادي وضعیت او د قانوني کډوالۍ محدودې لارې خلک خطرناکو لارو تېرېدو ته اړ باسي
سرچینو ایچ ټي این ته ویلي، چې لسګونه افغانان چې غوښتل یې د افغانستان او ایران له ګډې پولې په ناقانونه توګه ایران ته داخل شي، د وروستیو ورځو د سختې واورې ورېدو او منفي تودوخې له امله د پولې په اوږدو کې بند پاتې شوی او ژوند ی د لاسه ورکړی
د افغانستان طالبانو رژیم له خوا تر اوسه د مړو کره شمېر په رسمي ډول نه دی تایید شوی، خو ځایي سرچینې وايي چې تر دې دمه د ۳۰ کسانو جسدونه موندل شوي دي
د هرات د والي ویاند پېښه تایید کړې، خو ویلي یې دي چې په رسمي ډول یوازې درې ملکي وګړي او یو شپون د یخنۍ له امله مړ شوي چې دا د ځایي راپورونو او رسمي شمېرو ترمنځ د اختلاف ښکارندویي کوي
د راپورونو له مخې، د هرات ولایت د سرحدي ولسوالیو یو شمېر سیمې په تېرو دوو ورځو کې د سختې واورې ورېدو او شدیدې یخنۍ شاهدې وې، چې له امله یې د غرنیو او لیرې پرتو لارو تېرېدل ډېر خطرناک شوي دي
ځایي اوسېدونکي او بشري څارونکي وايي، دا پېښه د افغانستان د کمزورې او نازکې اقتصادي وضعې څرګندونه کوي، چیرې چې پراخه بېوزلي، بېکاري او د ټولنیزو ملاتړیزو سیستمونو نشت والي میلیونونه خلک له سختو ستونزو سره مخ کړي دي افغانستان کې سرچینې زیاتوي چې ډېری کورنۍ د ژوند لومړنۍ اړتیاوې نه شي پوره کولی، او په سرحدي او کلیوالو سیمو کې د روغتیايي خدمتونو کمښت د بېړنیو پېښو پر مهال د مرګونو خطر نور هم زیاتوي
دغه وضعیت هغه مهال لا پسې خراب شوی، چې د پاکستان–افغانستان پوله تړل شوې او تګ راتګ محدود شوی، چې له امله یې په پاکستان کې د کار فرصتونه د افغان مزدورانو لپاره کم شوي دي
پوهان وایی که د افغانستان طالب رژیم ضدی سیاست دوام وکړي او پاکستان سره د ترهګرې په اړه د اقدام کولو لیکلې ژمنه و نه کړي نو ښایی اړیکې نورې هم ترینګلې شی چې دا به د غریب افغان ولس په تاوان او زیانونو تمام شي
له همدې امله، ګڼ شمېر افغانان د کار موندلو لپاره ایران ته مخه کوي او د قانوني لارو د نشت والي له امله اړ کېږي چې له ناقانونه او خطرناکو لارو څخه تېر شي چې بیا ددوی ژوند هم له خطر سره مخ کوي
