شمالي وزیرستان: د دته خېل تحصیل د بویا سیکوریټي کیمپ پر سر ځانمرګی برید شوی دی،پولیسو دا برید تاید کړې دې خو بشپړ تفصیلات ی نه دي ورکړي
د سرچینو ترمخه د برید وروسته د پېښې په ځای کې درنې ډزې هم واوریدل شوې او د ځانمرګي برید له ځایه لوګی پورته شول
د راپورونو له مخې، ځانمرګي بریدګر له چاودېدونکو توکو ډکه موټر کارولې دې، پولیس، امنیتي ادارې، د بم شنډولو ډله او ریسکیو ټیمونه د پېښې ځای ته ورسیدل
د امنیتي سرچنیو ترمخه ځانمرګي برید وروسته ترهګرو غوښتل چې کیمپ ته ننوځي خو له امنیتي سرتیرو لوري سمدستي اقدام وشو او د یو ځانمرګي برید ګر سره ټول ۵ پینځه برید کوونکي له منځه یوړل شول
سرچینې وایی چې د برید پر مهال امنیتي سرتیرو د ترهګرو پر ضد سمدستي اقدام وکړو، په میړانه وجنګیدل او ۴ څلور امنیتي سرتیري معمولي ټپیان شول
د یاد برید ذمه واری ناقانونه ګرځول شوې ډلې حافظ ګل بهادرسره اړوند یوې ډلې اسود الحرب په خپله غاړه اخستې ده
دلته مهمه ده چې یادونه وشی چې په دې وروستیو کې په شمالي وزیرستان کې په امنیتي ځواکونو د یو شمیر بریدونه ذمه واري هم دې ناقانونه ګرځول شوې ډلې په خپله غاړه اخستې ده
