اسلاماباد: پاکستاني چارواکو د داعش خراسان ډلې یو لوړپوړی غړی او د ډلی ویاند، سلطان عزیز اعظم، په یوه مهم ترهګرۍ په ضد عملیاتو کې ګرفتار کړی چارواکي وايي دا ګرفتاری د سیمې په کچه د یادې ډلې د شبکو د له منځه وړلو په لړ کې ترسره شوې ده
سلطان عزیز اعظم د ملګرو ملتونو لهخوا د ۲۰۲۳ کال د اپرېل په ۲۶مه نېټه نوملړ کی شامل کړی شوی و، ځکه چې هغه د داعش خراسان لپاره د مالي مرستو برابرولو، عملیاتي پلان جوړونې، جلبوجذب او ترهګریزو فعالیتونو کې رول درلود.
د ملګرو ملتونو د ارزونو له مخې، هغه د داعش ډلې د وړتیاوو په پراخولو او دوام کې مهم رول لوبولی دی
اعظم له ۲۰۱۵ کال راهیسې، چې داعش خراسان په افغانستان کې رامنځته شو، د دې ډلې د ویاند په توګه فعالیت کاوه. نوموړی پخوانی افغان خبریال و او د خپلې رسنیزې تجربې له لارې یې د داعش خراسان تبلیغات پیاوړی کړی و او د منظمې پروپاګنډې له لارې یې د ډلې پیغام، نفوذ او اغېز زیات کړی وو
څېړونکي وايي اعظم د ۲۰۲۱ کال د اګست په میاشت کې د کابل د حامد کرزي نړیوال هوايي ډګر د ځانمرګي برید مسؤلیت منلی و. دا برید د افغانستان په وروستیو کلونو کې تر ټولو خونړیو پېښه وه چې پکې له د امریکایی ځواکونو په شمول ۱۸۰ څخه زیات کسان ووژل شول. د راپورونو له مخې، اعظم ویلي وو چې دا برید د داعش خراسان د مشر ثناءالله غفاري تر څار لاندې ترسره شوی و
څیړنی ښیې په سلطان عزیز اعظم دا تور هم دی چې د ۲۰۲۱ کال د مارچ په میاشت کې د درې ښځینه خبریالانو د وژنې ذمه واري هم په غاړه اخستې وه
د امنیتي سرچینو په وینا، د داعش خراسان اړوند رسنۍ اخبار ولایت خراسان د ده تر اغېز لاندې دا وژنې د ایډیالوژیک پلوه د منلو وړ وښودلې، چې له امله یې د بشري حقونو او د رسنیو د ازادۍ بنسټونو سخت غبرګونونه راوپارول
پاکستاني چارواکي وايي چې دا ګرفتارې د ترهګرۍ پر ضد د پاکستان د ژمنتیا څرګندونه کوي او دا چې هېواد د افراطي تبلیغاتو، مالي شبکو او سرحدي ترهګر فعالیتونو د مخنیوي لپاره خپلې هڅې روانې ساتي. چارواکو زیاته کړه چې د اعظم د اړیکو، همکارانو او عملیاتي تړاوونو په اړه نورې پلټنې لا هم روانې دي