د خیبرپختونخوا د سیلګرۍ سیمې په چترال ولسوالۍ کې د کیلاش قبيلې تاریخي او مذهبي جشن چاؤموس (چترموس) د دودیزو مراسمو او جوش سره روان دی. دا جشن د کیلاش په دری وادیوو رمبور، بریر او بمبوریت کې ترسره کیږي، چیرې چې د مذهبي او کلتوري رسوماتو لړۍ په بشپړ ډول دوام لری
د خیبر پښتونخوا د سیل ګرئ محکمه وایی د چاؤموس فیسټیوال پر مهال بېلابېلې مهمې غونډی ترسره کیږي، چې په کې د شارا بیرایک رسم هم شامل دی. د جشن پر مهال د کیلاش قبيله خپل مذهبي رسمينه، عبادتونه او کلتوري فعالیتونه د پیړیو پر اساس ترسره کوي.
د حکومت له خوا د سیلانیانو د اسانتیاوو او خوندیتوب لپاره د سیل ګري پولیس چارواکي د فیسټیوال په جریان کې خدمات وړاندې کوي. ټوریزم پولیس په لواري ټنل او د کیلاش وادیو ټولو مهمو لارو د سیلانیانو د خوندي تګ راتګ ډاډ ورکولو لپاره ځای پر ځای شوي دي.
د سیل ګري محکمه وایی سیلانیان کولای شي د سفر، امنیت او نورو اسانتیاوو په اړه د بشپړ معلوماتو لپاره د 1422 ټوریزم هیلپ لاین سره د تګ نه مخکې اړیکه ونیسي.
چاؤموس جشن د ژمي د موسم د راتګ، خوښۍ او سولې نښه ګڼل کیږي او د کیلاش قبيلې په نظر کې د نوي کال د راتګ سمبول هم دی. په دې موقع د بون فایر دودیزه مراسم هم ترسره کیږي چې د جشن یوه مهمه ځانګړی برخه ده
د فیسټیوال په جریان کې به شیشائو، منډاهیک او شارا بیرایک او نور دودیز رسومات ترسره شي.
د مینې او یووالي د پیغام د خپرولو لپاره مېوې، سبزیانې او وچ مېوې د خلکو ترمنځ ویشل کیږي. چاؤموس فیسټیوال نه یوازې د کیلاش قبيلې مذهبي او کلتوري پیژندګلوي څرګندوي، بلکې د چترال د سیاحت ارزښت هم روښانه کوي