لنډي کوتل: پاک افغان سرحد تورخم سره نزدې لنډي کوتل تحصیل کې ځایی انتظامي افسران او د پولیس افسرانو په سیمه کې میشت غیرقانوني افغان مهاجرینو ته لارښوونه کړې ده چې دوی دې له سیمې افغانستان ته ستانه شي
د بشپړ معلوماتو او تفصیلاتو ترمخه د لنډي کوتل ایډیشنل اسسټنټ کمشنر شهاب الدین د پولیسو د ایډیشنل ایس ایچ او عظمت ولي شینواري سره یوځای، د لنډي کوتل د ګاګره سیمې په بېلابېلو ځایونو کې له هغو افغان وګړو سره جرګه وکړه چې په غیرقانوني توګه په دې سیمه کې مشیت دي
د لنډي کوتل انتظامیی افسرانو افغان وګړو ته لارښوونه وکړه چې په عزت سره خپل هېواد افغانستان ته ستانه شي
په دې موقع د لنډي کوتل د ضلعي انتظامیې چارواکو رسنیو ته وویل چې د لنډي کوتل په سب ډویژن کې له غیرقانوني مېشتو افغان وګړو سره د وتلو په اړه جرګې پیل شوې دي او افغان وګړو ته ځانګړې لارښوونه شوې ده چې دوی دې په عزت او درناوي سره خپل هېواد افغانستان ته واپس لاړ شي
مهمه ده چې یادونه وشی چې دوه ورځې وړاندې هم په باړه تحصیل کې د سیکوریټي فورسر اهلکارو لوری په باړه بازار کې غیرقانوني افغان مهاجرینو ته لارښوونه وشوه چې دوی دې له سیمې څخه اووځي او خپل هیواد افغانستان ته دې لاړ شي