پیښور: په خیبرپختونخوا او په قبایلي ضلعو کې د روان کال وروستۍ د پولیو ضد کمپاین نن د ګل په ورځ په رسمي ډول پیل شو
د صوبایی حکومت صحت محکمې چاروکو ترمخه وا په پېښور او خیبر ضلعو کې به دا کمپاین اووه ورځې دوام لري، په داسې حال کې چې د صوبې په نورو ټولو ضلعو کې به د پولیو ضد مہم د پنځو ورځو لپاره دوام وکړي
د صحت محکمې چارواکو ویلي، د دې مہم پر مهال د پنځو کلونو نه کم عمره ۶۵ لکه ماشومان د پولیو ضد څاڅکو هدف ګرځول شوي دي. د مہم د کامیابۍ لپاره ۳۵ زره او ۵۰۰ ټیمونه تشکیل شوي او د امنیت ټینګښت لپاره ۵۰ زره پولیس اهلکار په دندو ګمارل شوي دي
د خیبرپختونخوا د نورو ضلعو تر څنګ، په ضلع نوشهره کې هم نن د پولیو ضد کمپاین باقاعده پیل وشو. دا مہم د سختو امنیتي تدابیرو تر سیوري لاندې ترسره کېږي، چې موخه یې د پولیو ټیمونو بشپړ خوندیتوب او ماشومانو ته د پولیو ضد څاڅکي ورکول دي
د پولیسو د ضلعي مشر احمد شاه تر مستقیمې څارنې لاندې، د ضلعې په داخلي او خارجي لارو ناکه بندۍ لګول شوې دي او د پولیسو کمانډوز په کې ځای پر ځای شوي دي. پولیس وايي، د دغو اقداماتو هدف د هر ډول ناخوښه پېښې مخنیوی او د مشکوکو فعالیتونو څارنه ده
د مہم پر مهال په ټوله ضلع کې له ۱۴۰۰ څخه زیات پولیس افسران او سرتېري په دندو بوخت دي. د ایس ډي پي اوز تر څارنې لاندې ګزمه هم پیاوړې شوې او پولیس هرې مشکوکې فعالیتونو ته پاملرنه کوي، څو د پولیو ټیمونه له هر ډول ګواښ څخه خوندي پاتې شي
امنیتي چارې په دوامداره توګه څارل کېږي او د ضلعي کچې کنټرول روم هم فعال شوی، چې له هغه ځایه د ټولو سیمو وضعیت څارل کېږي. د هر ډول بېړني حالت لپاره کوئیک رسپانس فورس هر وخت چمتو ساتل شوې ده
په دې موقع، د ضلعي پولیسو مشر احمد شاه وویل، چې د پولیو بشپړ له منځه وړل د ټولنې ګډه ذمه واري ده. نوموړي له والدینو وغوښتل چې د پولیو ټیمونو سره بشپړه همکاري وکړي او خپل ماشومان د پولیو ضد څاڅکو ته وړاندې کړي، څو راتلونکی نسل له دې خطرناکې ناروغۍ خوندي پاتې شي