خیبرپښتونخوا او قبایلي سیمو کې نن د باران او واورې وریدو امکان دې

پیښور:  د خیبر پښتونخوا پي ډي ایم اې، د قدرتي افتونو پر وړاندې د نظم او ادارې د صوبې په بیله بیلو سیمو کې د باران او واورې ریدو په اړه وړاندوینه کړې ده

د پي ډي ایم اې له مخې، د خیبر پښتونخوا په لوړو غرنیو سیمو کې د باران او د غرونو پر څوکو د واورې ورېدو امکان څرګندونه شوې ده

د احتمالي  موسمي وضعیت له امله، پي ډي اېم اې ټولو اړوندو ادارو ته  د احتیاطي ګامونه اخستلو لپاره ځانګړې لارښوونه کړې ده  

د پي ډي اېم اې په وینا، د دسمبر  ۱۳مې تر ۱۵مې پورې په چترال، دیر، سوات، شانګله، کوهستان، مانسهره، ایبټ آباد، ګلیات، هری پور، بونیر، مومند، خیبر، اورکزي، کرم او شمالي او جنوبي وزیرستان کې د باران او واورې ورېدو امکان دې

همدارنګه، په پېښور، چارسده، مردان، نوشهره او صوابۍ کې  هم د کم باران وریدو وړاندوینه شوې ده

پي ډي اېم اې خبرداری ورکړی چې د واورې ورېدو له امله په ناران، کاغان، کالام، جبوړۍ او نورو لوړو سیمو کې سړکونه ښویېدونکي کېدای شي او په دې سیمې کې ځایی خلک او سیلګري باید ډیر احتیاط وکړي

پی ډي ایم اې په بیان کې ویلي دي چې د سخت باران او واورې ورېدو له کبله د ځمکې ښویېدنې ، لینډسلایډنګ خطر زیاتېدلی شي

پي ډي اېم اې ویلي چې په میداني سیمو کې به دهند یزیات شي او د لید واټن به اغېزمن شي.

د موټروېز او لویو لارو پر سر د دهند له  امله د ټرافیک د اغېزمن کېدو امکان شته، له همدې امله له خلکو غوښتنه شوې چې په احتیاط سفر وکړي

پي ډي اېم اې ویلي چې د دوی ایمرجنسي آپریشن سنټر په بشپړ ډول فعال دی او که هر ډول ناخوښه پېښه رامنځته شي، نو خلک دې د پي ډي اېم اې پر هېلپ لاین 1700 خبر ورکړي.

د وړاندوینې له مخې، د ورځې په تودوخې درجه کې به د پام وړ کموالی راشي

پي ډي اېم اې اړوندو ادارو ته لارښوونه کړې چې د اوبو د ایستلو نظامونه فعال او صفا وساتي ترڅو په ډیر باران کې سیلابي اوبه له دې ځایونو تیرې شي او زیان و نه رسوي

د خیبر پښتونخوا پي ډی ایم اې په بیان کې ویلي دي چې هغه کسان چې د سیندونو، نالیو او باراني چینو ته نږدې اوسېږي، باید چمتو ووسي ترڅو په سخت باران کې له دې باراني چینو د راختلو له زیان څخه بچ شي

پي ډي ایم اې  سیلګرو و او مسافرو ته ځانګړې سپارښتنه کړې  چې د باران او واورې ورېدو پر مهال دې له غیر ضروري سفر څخه ډډه وکړي

پي ډي اېم اې عامو خلکو ته خبرداری ورکړی چې د باران، تېزو بادونو او ږلې وریدلو پر مهال له برېښنايي ستنو، له اشتهاري لوحو او کمزورو ودانیو لرې پاتې شي ترڅو ددوی ژوند خوندي شي

همدارنګه، خلکو ته لارښوونه شوې چې د ځمکې ښویېدنې له خطرناکو سیموته غیر ضروري تګ راتګ ونه کړي