تهران : ایران په داسې حال کې د افغانستان په اړه مهمه سیمهییزه غونډه جوړوي چې د پاکستان او افغان طالبانو تر منځ ترینګلتیا لوړه شوې ده.
دا غونډه د سیمې د امنیت له خوا مهمو بحثونو څخه بلل کېږي او ښيي چې د افغانستان د ثبات په اړه سیمهییز ځواکونه د لوېدیځ له کمرنګه رول وروسته د یوې څو قطبي تګلارې پر لور روان دي
ټاکل شوې ده چې په غونډه کې د پاکستان، چین، روسیې او د مرکزي آسیا د هېوادونو لوړپوړي استازي برخه واخلي
ددی وړاندی قطر، ترکیه او سعودي عرب هم د پاکستان او افغانستان ترمنځه د تاو تريخوالی د کمولو دپاره په دغه هېوادونو کی غونډی کړی خو لا هم د دواړو ګاونډی هیوادونو تر منځه اړیکی ترینګلې پاتې دي او دواړه هیوادونو ترمنځ تجارتی لارې هم بندې دي
سفارتی ماهرین وایی دا جوړښت د یوه نوي اجماع نښه ده چې د افغانستان ثبات باید تر ټولو ډېر د هغو هېوادونو له لوري مدیریت شي چې د دې هېواد له ګډوډۍ په مستقیم ډول د حل لارې اولټول شی
د ایران د بهرنیو چارو وزارت ویاند ناصر کنعاني بغایي د ایراني رسنیو سره په خبرو کې ویلي چې تهران غواړي د اسلاماباد او کابل ترمنځ “د رغنده پله” رول ترسره کړي.
هغه زیاته کړه چې ایران هڅه کوي کړکېچ کم کړي، خبرې اترې پیاوړې کړي او په سیمه کې د افغانستان د راتلونکي لپاره ګډ مسؤلیت ته لاره هواره کړي
غونډه په داسې مهال ترسره کېږي چې پاکستان یو ځل بیا په افغانستان کې د ټی ټی پی خوندي پناهځایونو په اړه سختې اندېښنې څرګندې کړي دي
ددی وړاندی د افغانستان په شمالي سیمو کی جنګیالو شتون، د پولو له هغې خوا بریدونه، او د داعش فعاله شبکې د سیمې ډېر هېوادونه اندېښمن کړي دي
همدا وضعیت د ګډو استخباراتي هڅو او د ترهګرۍ پرضد پراخې همکارۍ اړتیا لا پسې واضحه کوي
چین او روسیه، چې په افغان قضیه کې ورځ تر بلې پیاوړی رول لري، د تهران غونډه د داسې فرصت په توګه ګڼي چې د افغانستان لپاره یو غیر لوېدیځ امنیتي جوړښت رامنځته کړي یو داسې چوکاټ چې د مرکزي او جنوبي آسیا پر اوږدمهاله ستراتیژیکو موخه ولاړ وي.
پوهان وایی د ماسکو او بیجینګ ګډون د سیمې د نوې “سیمهییزې ملکیت” تګلارې څرګندونه کوي
د تهران مثبت رول د سیمهییزو افغان سفارتی اړیکو کې په مهم مرکز بدلېږي او د پاکستان، چین، روسیې او مرکزي آسیا هېوادونو راټولول ښيي چې تهران غواړي د سیمې شته کړکېچونه راکم کړي او اجازه ورنه کړي چې افغانستان یو ځل بیا د بېثباتۍ سرچینه جوړه شي
سیمهییز څارونکي باور لري چې دا غونډه به د ګډو امنیتي تدابیرو، د پولو د مدیریت، د ترهګرۍ ضد همکارۍ او له طالبانو سره د سیاسي تعامل لپاره یو والی چوکاټ رامنځته کړي
په داسې حال کې چې د پاکستان–افغانستان په پوله تاوتریخوالی زیات شوی او وسلهوالې شبکې په سیمه کې پراخېږي، د تهران دیپلوماتیکه هڅه د یوه نوي سیمهییز امنیتي نظم د بنسټ اېښودو په توګه لیدل کېږي
نورخبرونه: ایران د پاکستان او افغانستان ترمنځ د تاو تریخ والی د کمی لپاره لویه علاقایی غونډه رابلي