داسلام اباد: د پاکستان د بهرنیو چارو وزارت ویاند ویلي دي چې د پاکستان او افغان طالبانو ترمنځ په روایتي معنا کې اوربند موجود نه دی.
ویاند زیاتوي چې لاهم وضعیت داسې نه دی چې ووایو د اوربند په حالت کې ښه والی راغلی دی، ټینګار ی وکړو چې موږ ته د افغان مشرانو له لوري لیکلې ضمانتونه پکار دي
د بهرنیو چارو وزارت ویاند طاهر اندرابي د اوونیزې خبري ناستې پر مهال وویل چې په افغانستان کې منظوره شوې پرېکړه لیک مسوده مو نه ده لیدلې ، هغه وویل چې د افغانستان له لوري د خپل خاوري د اتباعو له خوا هر ډول ترهګري منل یو مثبت پرمختګ دی، خو بیا هم موږ د یادې پرېکړه لیک مسودې ته په تمه یو او له دې سره ـ سره موږ ته د افغان مشرانو لیکلې ضمانت ضروري او په کار دې
ویاند زیاته کړه چې افغانستان ته لېږل شوی امدادي کاروان زموږ له خوا بشپړ تصدیق شوی او تیار پروت دې، ویاند زیاته کړه چې اوس دا د طالبانو اختیار دی چې دغه امدادي کاروان ترلاسه کوي او که نه.
هغه وویل چې د افغان ولس د سختو ستونزو په لیدلو، د ملګرو ملتونو د غوښتنې پر اساس دغه امدادي کاروان ته اجازه ورکړل شوه چې افغانستان ته ورسول شي
د بهرنیو چارو وزارت ویاند وویل چې په افغانستان کې زموږ دیپلوماتیک ماموریت فعال دی، او زموږ ماموریت به د افغانستان چارواکو ته د وروستیو ترهګریزو بریدونو او ددې بریدونه ماسټر پلان کوونکو په اړه معلومات ورکړي وي
پاکستان د هند بهرنیو چارو وزیر بیان رد کړې
د پاکستان بهرنیو چارو وزارت ویاند اندرابي وویل چې د هندوستان د بهرنیو چارو د وزیر پاروونکی بیان ردوو. د پاکستان وسلهوال ځواکونه د هېواد د پولو د ساتنې لپاره بشپړه عزم لري او دوی چمتو دي چې سرحدونه خوندي کړي
هغه زیاته کړه چې د پروپاګند له لارې حقایق نه شي مسخ کېدای. پاکستان د سولې پر بنسټ د ګډ دوه اړخیزه امن باندې باور لري او د خپلو ملي ګټو او خپلواکۍ به په هر حالت کې دفاع وکړي
نورخبرونه: پاکستان ستونزې د امن او خبرواترو له لارې هوارول غواړي: د پاکستان بهرنیو چارو وزارت
پاکستان د هند د بهرنیو چارو وزیر څرګندونې لمسوونکې، بېاساسه او پروپاګنډه وبللې
د متقي لوري پر پاکستان نیوکې: څیړونکو د متقي نیوکې غیرمسولانه بللي