د افغانستان د پنجشېر ولایت په منجستو سیمه کې د طالبانو پر مهم مرکز کې چاودنې وشوې، سرچینې وایی لږ تر لږه اته طالبان وژل شوي دي
سیمهييزو سرچینو وویل چاودنې ماښام د عبدالله خېل درې په هغه سیمه کې رامنځته شوې چې طالبان پکې مرکزي پوسته لري
د سرچینو په وینا، دویمه چاودنه تر ټولو خونړۍ وه او د مولوي ملک په کور کې دننه یې لږ تر لږه اته طالبان ووژل. درې نه تر څلور کسان نور ټپیان شوي دي.
له پېښې وروسته طالبانو د درې پراخې برخې کلابندې کړې، د خلکو تګ راتګ یې محدود کړ او د سیمې اوسېدونکي یې تر پوښتنو او پلټنو لاندې ونیول.
مقامې اوسیدونکې وایې طالبان د چاودنو ځای ته خلک نه پرېږدي او کور په کور پلټنې کوي
مهمه ده چې یادونه وشی چې تراوسه ددې برید ذمه واري کومې ډلې په غاړه نه ده اخستې خو ښایی چې دا بری د ملي مقاومت محاذ ترسره کړې وي ځکه دا ډله په دې سیمه کې له پخوا راهسي ډیره قوي ده