پېښور — د خیبر پښتونخوا وزیر اعلیٰ سهیل افریدی د دوشنبې په ورځ د کاؤنټر ټیرر ازم ډیپارټمنټ (سي ټي ډي) مهمه غونډه په مشرۍ ترسره کړه او د ترهګرۍ ضد ظرفیت د پیاوړتیا لپاره یې څو مهمې اصلاحات منظور کړل.
د غونډې د بریفینګ پر بنسټ، وزیر اعلیٰ د ۱۸۶ سي ټي ډي ډیټیکټو پر ځای د ۶۳۸ مستقل فیلډ آپریټرانو د مقررولو اصولي منظوري ورکړه. دغه نوې جوړې شوې ډلې به په ټوله صوبه کې سایبر پېټرولینګ، استخباراتي کار، څارنه او فیلډ عملیات ترسره کوي.
وزیر اعلیٰ په پېښور کې د نوي سي ټي ډي سیمه ییز مرکزي دفتر د جوړولو اصولي منظوري هم ورکړه، چې دا کار له ډېر وخت راهیسې د امنیتي اړتیاوو له امله غوښتنه کېده.
غونډه کې پرېکړه وشوه چې په ۲۱ ضلعو کې د سي ټي ډي دفترونو د جوړولو هغه پرمختیایي پروژه چې له اوږدې مودې راهیسې منجمد وه، بېرته فعاله شي. د یادو دفترونو جوړول به شاوخوا ۴٫۳ میلیاردو روپیو په لګښت جوړیږی.
سربېره پردې، وزیر اعلیٰ د سي ټي ډي لپاره د نوو وسایطو، عصري وسلو او پرمختللو وسایلو د اخیستو لپاره ۷٫۷۷ میلیاردو روپیو منظورۍ اعلان وکړ.
اپریدی هدایت ورکړل دغه اصلاحات عملي کړی په بنیادی اډانه کی بدلون راولی او بهرتی کولو کار په وخت پورا کړ ی. دوی ټینګار اوکړو چی په سی ټی ډی پروجو کی د حفاظتی ګامونو خیال اوساتلی شی
هغه زیاته کړه: “صوبایي حکومت د سولې او امنیت د ټینګښت لپاره په بشپړه سنجیدګۍ سره کار کوي. د منابعو کموالی به د امن په ټینګښت کې خنډ نه ګرځي.”
غونډه کې وزیر اعلیٰ ته د سي ټي ډي د فعالیتونو، روانو عملیاتو او ترلاسه شوی کامیابو په اړه هم معلومات ورکړل شول