پروان: د طالبانو امنیتي ادارو د پروان ولایت په سیمه کې د افغان ملي پوځ پنځه پخواني منسوبین نیولي دي، چې ټول د پنجشیر د یوې کورنۍ غړي دي، سره له دې چې اسلامي امارت تر خپل حاکمیت وروسته د “عمومي بخښنې” اعلان کړی وو
د سیمهییزو معلوماتو له مخې نیول شوي کسان کرنل شیرامالله، ګل بدین، علیم، جان محمد او سلیمان دي. د سرچینو په وینا، دا کسان هغه مهال ونیول شول چې له ایران څخه د شړل کېدو وروسته پنجشیر ته اړول کېدل
سرچینې زیاتوي چې د سیمې یو طالب قوماندان له دوی څخه د ۱۰۰ زره افغانیو د ورکړې غوښتنه کړې وه، خو د پیسو د نه برابرولو له امله پر دوی د ملي مقاومت جبهې سره د تړاو ادعا وشوه او وروسته د پنجشیر یو د استخباراتي مرکز ته انتقال کړل شول
د بشري حقونو څارونکي او ځایي شبکی وایي چې له ۲۰۲۱ کال راهیسې په پنجشیر کې فشارونه ډېر شوي، چې پکې پراخې ګرفتارئ او د خلکو لادرکۍ شاملې دي. یوازې د ۲۰۲۵ کال په اوږدو کې له ۱۸۰۰ څخه ډېر کسان نیول شوي، او ځینو ولسوالیو کې په څو اونیو کې د ورکو کسانو پرله پسې پېښې ثبت شوې دي
نوې قضیې چې د ټولنې له خوا راپور شوې، د طبي کارکوونکو، پخوانیو سرتېرو، ښوونکو او بزګرانو نیول، او همدارنګه د ځینو اعدام شوې پېښې ، لکه د پخواني قاضي عبدالملّتین د ۲۰۲۵ کال په منځ کې وژل هم پکې شامل دي. راپورونه همدارنګه د بازارک په سیمه کې د یو نوي بندیزي مرکز د جوړېدو خبره هم کوي.
افغان طالب چارواکو تر اوسه په دې اړه رسمي غبرګون نه دی ښوولی