لنډي کوتل: لنډي کوتل پولیس او د ښځو ډي آر سي، ډسپیوټ ریزولوشن سنټر، د شخړو د هوارولو مرکز، د یوې ښځې غوښتنلیک باندې سمدستي اقدام کړې ، ښځې ته ی خپل حق ورکړې دې او د ښځې د غوښتنلیک ترلاندې ی ښځې ته د هغې ۳۵ لکه د دیت روپۍ سپارلي دي
د لنډي کوتل پولیسو او د لنډي کوتل د ډي آر سي د ښځینه غړو د نه ستړیدونکو هڅو په پایله کې یوې ځایی ښخې ته راپيښه ستونزه په بریالیتوب سره هواره شوه، او مثاثره ښځې ته ته ۳۵ لکه د دیت روپۍ وسپارل شوې
د لنډي کوتل پولیس سټیشن ډي آر سي مسؤلین او ښځینه غړي وایي چې د دوی د صادقانه، منظم او ګډو هڅو له امله دا لویه ستونزه پرته له کومې شخړې هواره شوه، او اغېزمنې ښځې ته خپل حق چې د هغې د خاوند د دیت روپۍ وې، ورسول شوې
د لنډي کوتل ایس ایچ او عشرت شینواري او ډي آر سي دریځ
د لنډي کوتل پولیس سټیشن ایساېچاو عشرت شینواري رسنیو ته په یو ځانګړي پیغام کې وویل چې لنډي کوتل یوه قبایلي پښتنو سیمه ده ، په دې سیمه کې مو د علاقایی دود دستور لاندې د ښځینه وګړو لپاره ډي آر سي سنټر فعال ساتلې ترڅو دا مرکز د ښځو د ستونزو د هوارولو لپاره کار وکړي او ښځو ته خپل حقونه ورکړل شي
نوموړي اوویل چې د ښځو د ستونزو هوارولو لپاره په دې مرکز کې ښځینه وګړي،کونسلراني کار کوي ځکه دوی د ښځو د ستونزو هوارولو لپاره اغیزمنو ښځه سره نیغ په نیغه خبرې کوي، د ښځو ستونزي واوري او بیا ی دا ستونزې هواروي ، دا ی هم اوویل چې زموږ پولیس ډیرې د ښځو داسې ستونزې نیغ په نیغه هم هوارې کړي دي چې ښځې د پولیس سټیشن او ډي آر سي ته راتللو څخه بچ شي
هغه اوویل چې که کومه ښځه هر ډول ستونزه ولري، نو له کوم ډار پرته دې د ډي آر سي دفتر ته ورشي او خپله عریضه دې د ښځو غړو ته وسپاري
نوموړي اوویل چې د دوی مقدمې او ستونزې به په بیړني ډول وڅېړل شي او د ډي آر سي ښځینه غړي به د لنډي کوتل د ښځو ستونزې او شخړې د انصاف د تقاضو ترلاندې هوارې کړي، دا ی هم اوویل چې تراوسه دې ښځینه مرکز یو شمیر د ښځو اړوند ستونزې د انصاف تقاضو ترلاندې هوارولو کې بریالي شوي دي دلته مهمه ده چې یادونه وشی چې د لنډي کوتل سیمې دې ښځې خاوند تیرکال ۲۰۲۴ کې په یو ټریفک پیښه کې ژوند له لاسه ورکړې وو او ددې ښځې د خاوند د دیت روپۍ ددې لیور ترلاسه کړې وې او دې کونډې ښځې له ی نه ورکولې، د لنډي کوتل ښځو ډي آر سي مرکز دا ستونزه په انصاف سره هواره کړه او اغیزمې ښځې ته ی د هغې د خاوند د دیت ۳۵پینځه دیرش لکه روپۍ وسپارلې
نورخبرونه: پاکستان کې د ښځو او نجونو پر ضد ډیجیټل او جسماني تشدد مخنیوي په اړه لویه غونډه