مردان : د عبدالولي خان پوهنتون مردان د سوشیالوجی څانګې د ملګرو ملتونو د نفوس صندوق پاکستان په همکارۍ د ښځو د تشدد د مخ نیوی سرلیک لاندې قامی سیمینار ترسره شو. دغه غونډه د ښځو پر ضد د تاوتریخوالي د مخنیوي لپاره د نړیوالو ۱۶ ورځنیو فعالیتونو د لمانځنې برخه وه. د سیمینار اصلي تنظیموونکی د سوشیالوجی څانګه وه
پروفیسر ډاکټر محمد اعظم خان، د سوداګرۍ او اقتصاد پوهنځي ډین، د سیمینار ته په خپله وینا کې اویل چې په پاکستان کې د ښځو او نجونو پر ضد ډیجیټل او فزیکي تاوتریخوالي لپاره هیڅ ځای نشته. هغه د ټولو په ګډو هڅو د خوندي او درناوي ډیجیټل زدکړو پر جوړولو ټینګار وکړ
څرګندونې او اندېښنې
د خیبرپښتونخوا د ښځو د حقونو د کمیشن پخواني مشره ډاکټره رفعت سردار، وویل چې د ښځینه ولسي استازو او کارکوونکو پر ضد پر انلاین او عامه ځایونو کې بد چلند او سپکاوی نن سبا ډیر زیات شوی. هغې دا کار په هیواد کې د ښځو د تاوتریخوالي تر ټولو خطرناک ډول وباله
د عورت فاونډیشن د پروګرام مشره، صائمہ منیر، وویل چې د ښځو پر ضد تاوتریخوالی مخ پر زیاتېدو دی، او ټولنیزې رسنۍ د دې تاوتریخوالي لوی مرکز ګرځېدلی دی. هغې وویل چې که څه هم ټولنیزې رسنۍ د مدنې مبارزې ځای دی، خو کله چې ښځې پخپله ظلم ویني، همدا رسنۍ چپه خوله پاتې کېږي
د اواز اداری د خیبرپښتونخوا مشره، شبینه ګلزار، څرګنده کړه چې ښځې، ماشومان او محرومې ډلې لا هم له ګڼ شمیر بشري ننګونو سره مخ دي. هغې وویل چې د دوی پروګرام د ټولنیز پوهاوي او ټولنیز مشارکت له لارې د جنسي تاوتریخوالي د مخنیوي لپاره کار کوي
د پېښور پوهنتون د نړيوالو اړيکو د څانګې مشرې پروفیسر ډاکټر منهاس مجید خان، وویل چې د جنسي تاوتریخوالي هر ډول بڼه د بنسټیزو انساني حقونو ښکاره خلاف ورزی ده . هغې زیاته کړه د خیبر پښتونخوا د ښځو کمیشن ، قانون جوړونکی، پالیسي مشورو او اداري ملاتړ له لارې د ښځو د خوندیتوب لپاره کار کوي.
د خیبرپښتونخوا صوبایی محتسب دفتر د بشري حقونو همغږي کوونکې ډاکټره رابعه وویل چې د رباب مهدي په مشرۍ دغه اداره د ښځو د ملکیت حقونو او په کاري چاپېریال کې د ښځو د خونديتوب لپاره فعال رول لوبوي. هغې وویل چې یاد دفتر د چټک انصاف او ښه حکومتولۍ لپاره مهمه وسیله ده
د څیړنو نتیجې
د اقتصاد استادې ډاکټر نور جهان د خپلې څېړنې مهمې پایلې وړاندې کړې. هغې وویل چې پلارنی دودونه د دې ټاکنه کوي چې څوک ډیجیټل فضا ته لاسرسی لري او څنګه یې کاروي، او دا چې دغه دودونه د ښځو ډیجیټل واک محدودوي
پوهانو اویل په تېرو پنځو کلونو کې ۱.۸ میلیونه پاکستانۍ ښځې د تاوتریخوالي ښکار شوي دي
د پاکستان ۴۰٪ ښځې سایبري ځورونې تجربه کوي
د ایف آیی اې سایبرکرایم وینګ وایی ۸۰٪ شکایتونه د ښځو او نجونو له خوا کېږي