افغانستان لپاره ته د ملګرو ملتونو له لوري د مرستو د توکو بار شپږ کانټینرونه د تورخم او جمرود ټرمینلونو ته رارسېدلي دي
د پاکستان وزارت خارجه سره مشور او کولو وروسته پاکستان پریکړه وکړه چې د ملګرو ملتونو د مرستو ډل کانټینرونو ته به د پاکستان لارې افغانستان ته اجازه ورکړي ترڅو د انساني همدردۍ لاندې دا مرستې افغانستان ته ورسول شي
په دې وروستیو کې د پاکستان مرستیال وزیراعظم او د بهرنیو چارو وزیر اسحاق ډار ویلي وو چې ملګرو ملتونو غوښتنه کړې چې دوی انساني مرستې له پاکستان لارې افغانستان ته لیږل غواړي او پاکستان به په دې اړه ډیره زر پریکړه وکړي
د پاکستان افغان ولس لپاره د همدردۍ او خواخوږۍ پریکړه
پرون پاکستان پریکړه وکړه چې د انساني همدردۍ او خواخوږۍ لاندې د ملګرو ملتونو د انساني مرستو ډک کانټینرونو ته لار ورکړي ترڅو دا مرستې افغانستان ته ورسول شي
د معلوماتو له مخې، په طورخم ټرمینل کې ۲ او په جمرود ټرمینل کې ۴ کانټینرونه موجود دي چې د درملو او طبي وسایلو څخه ډک دي.
پاکستان د انساني همدردۍ له مخې د ملګرو ملتونو کانټینرونو ته د تورخم او چمن لارې د پرانیستو پرېکړه وکړه
پاکستان ملګرو ملتونو اړوند مرستندویو ادارو ته افغانستان ته د مرستو د لېږد اجازه ورکړې ده.
دغه پرېکړه په دې داسې وخت کې شوې ده چې په دې وروستیو کې د افغانستان لوري د ترهګرو پر ضد اقدام نه کولو او د افغان لوري لیکلې ژمنه نه کولو وروسته پاکستان او افغانستان ترمنځ شخړه زیاته شوه او پاکستان له ۱۲م اکتوبر څخه خپل ټول سرحدونه هم د تړلو پریکړه وکړه
دلته باید یادونه وشی چې وزارت تجارت د افغان ټرانزټ ټریډ ډی جی او د ایف بي آر د کسټمز د عملیاتو غړي ته په یو لیک کې ویلي چې د ملګرو ملتونو مرستندویو ادارو ته د خوراکي توکو افغانستان د د لېږد اجازه د وزارت خارجه په سپارښتنه ورکړل شوې ده
د لیک له مخې، د وزارت خارجه په مشوره پرېکړه شوې چې د یونیسف، ورلډ فوډ پروګرام او یونایټډ نیشن پاپولېشن فنډ کانټینرونو ته به په پړاوونو کې کلیئرنس ورکول کېږي.
د پاکستان روښانه دریځ
دلته مهمه ده چې یادونه وشی چې پرون د افغان بهرنیو چارو وزیر له لوري یو لانجه من بیان هم مخې ته راغلې چې پکې امیر خان متقي ویلي وو چې ترڅو پاکستان موږ ته باور را نه کړي نو پوله به تړلې وې
د سیاسي او اقتصادي کارپوهانو لوري دا نیوکه او بیان ډیر غیرمسولانه وبلل شو او ددې په غبرګون کې د پاکستان لوري هم داسې بیان خپور شوې چې په سرحد کړکیچ د افغان لوري د پاکستان پر ضد د خاورې کارول دي، پاکستاني چارواکو ویلي چې که افغان طالب چارواکي لیکلي ژمنه وکړي دا شخړه په اسانه هواریدلې شي
د پاکستان لوري دا پیغام بیا بیا تکرار شوې دې چې پاکستان له افغان ولس سره کومه ستونزه نه لري که ستونزه لري نو افغان طالب چارواکو سره ی ده چې دوی د ترهګرو پر ضد اقدام نه کوي او خپله خاوره د پاکستان پر ضد د بریدونو لپاره کاروي
نورخبرونه
د متقي لوري پر پاکستان نیوکې: څیړونکو د متقي نیوکې غیرمسولانه بللي