د افغانستان او ګاونډي هیواد ازبکستان ترمنځ د اقتصادي پرمختګ په اړه یو مهم خبر مخې ته راغلې دې ، ازبکستان له نږدې څلورو کلونو وروسته افغانستان سره د ترمذ–حیرتان مهمه پوله بېرته پرانیستلې او د مسافرو او وسایطو تګ راتګ یې په بشپړ ډول بیا پیل کړی دی
اوزبکي چارواکي وايي چې د پولې بېرته پرانیستل به د دواړو هېوادونو ترمنځ سوداګرۍ ته نوی حرکت ورکړي او دواړو هیوادونو ترمنخ ته دوه اړخیزه سوداګري بیا بحال شي او پرمختګ به وکړي
د هغوی په وینا، په راتلونکو کلونو کې د ازبکستان صادرات افغانستان ته لا ډېر پراخېږي، چارواکي زیاتوي چې کېدای شي چې د ۲۰۲۶ کال تر پایه د ازبکستان افغانستان ته صادرات تر ۲.۵ میلیارده ډالرو ورسېږي
د افغانستان دولتي خبري اژانس باختر هم د ترمذ او حیرتان پوله د بیا فعالیدلو خبر ورکړې دې ، باختر د ازبکستاني رسنیو د رپوټونو په حواله د ترمز- حیرتان لارې د پرانیستل کېدو سره ویلي دي چې نن چهارشنبه د ازبکستان مرستیال وزیر جمشېد عبدالزوکاروف په مشرتابه پلاوي په پلازمینه کابل کې له ځايي سوداګرو سره مهمې هوکړې لاسلیک کړې
د باختر په رپورټ کې ویل شوي دي د دواړو هیوادونو ترمنځ دپه دوه اړخیز تجارت کې د غوښې او سبو په ګډون د خوراکي توکو پر وارداتو او صادراتو پام شوې دې
نورخبرونه: افغان سوداګردې نورو هیوادونو سره د تجارت لارې ولټوي: ملا برادر اخند