اسلاماباد: د پا کستان مرستیال وزیراعظم او د بهرنیو چارو وزیر اسحاق ډار خبرداری ورکړی چې د نړیوالې ټولنې له لوري د هند تر ناقانونه ولکې لاندې کشمیر د وضعیت پر وړاندې دوامداره بې غوري د سیمې سوله او ثبات له جدي خطر سره مخ کولای شي.نوموړي دا څرګندونې په یوه لوړپوړي کنفرانس کې وکړې
اسحاق ډار وویل چې پاکستان د جنوبي اسیا د شخړو د حل لپاره سوله ییز او ډیپلوماټیک لارې غوره ګڼي او نړیوالې ټولنې ته یې غږ وکړ چې د کشمیر موضوع جدي وپېژني، ځکه چې زیاتېدونکي فشارونه د نړیوال امنیت لپاره د خطر وړ دي
ډار ټینګار وکړ چې جنوبي اسیا له ګڼو ننګونو سره مخ ده، لکه سېلاني فقر، د تعلیم کموالی، اقلیمي بدلون، د خوراک خوندیتوب بحران او طبیعي آفتونه چې حل یې د سیمهییزو هېوادونو ګډو تلاشونو ته اړتیا لري
نوموړي زیاته کړه چې د اقلیمی بحران ورځ تر بلې سختېږي، او د تودوخې لوړوالی، ورښتونه، سېلابونه او نورې طبیعي پېښې د سیمې اقتصادونه زیانمنوي او د امنیتي خطرونو لړۍ لا پسې پراخوي
د پاکستان او هند اړیکو ته په اشارې سره، ډار وویل چې دواړه اټومي هېوادونه په تېرو کلونو کې څو ځل د سختې مقابلې تر سرحده رسېدلي دي. هغه د هند له لوري د اندس اوبو تړون یو اړخیز لغوه کول “ډېر خطرناک او غیر مسؤلانه اقدام” وباله او خبرداری یې ورکړ چې دا کار د سیمې د ثبات لپاره مهمې حقوقي او تخنیکي چوکاټونه له منځه وړي
ډار زیاته کړه چې جنوبي اسیا، چې د نړۍ له ګڼ مېشتو سیمو څخه ده، ګډ مسوولیت لري چې د پایدار پرمختګ، سیمهییزې همکارۍ او نښلینو پروژو په لور کار وکړي. د هغه په وینا، باور، همکاري او ډیپلوماسي د سیمې د اوږدمهاله سوکالۍ یوازینۍ لارې دي
نورخبرونه: هند د پاکستان انساني مرستې وړونکې الوتکې ته اجازه نه ورکوي
پاکستان ستونزې د امن او خبرواترو له لارې هوارول غواړي: د پاکستان بهرنیو چارو وزارت
افغان خاوره باید د پاکستان پر ضد و نه کارول شي: د پاکستان دفتر خارجه