ډېره اسماعيل خان: په بستي درکهانوالي کې يوې بې رحمه مور خپل دوه کوچنيان بچي وژلي دي، درکهانوالي کې يوه ډېره خواشينونکی او زړه پاروونکی پېښه رامنځته شوې ده، چيرته چې يوې بې رحمه مور د خپلو دوو کوچنيانو مرې پرې کړې او په بې رحمۍ يې وژلي دي.د وژل شوو ماشومانو پېژندنه ، سهيل خان (عمر ۴۰ ورځې) او اقراء بي بي (عمر ۲ کاله)، وژل شوو ماشومانو پلار ثناالله دې
سرچینې وایی چې د ماشومانو مور زينب بي بي چې د نسيم خان لور ده ، په بستي درکهانوالي کې په کرايه کور کې اوسېدله.دې بې رحمه مور زينب بي بي د چړې وسسیله سره د دواړو ماشومانو غاړې پرې کړې او هغوی يې حلال کړل.د پېښې سمدستي وروسته د وژل شوو ماشومانو مړي روغتون ته ولېږدول شول. د وژل شوو ماشومانو ماما محمد حسن د پېښې تصديق کړې او ويې ويل چې د نامعلومو وجوهاتو له امله يې خور (د ماشومانو مور) دا ډېر خطرناک ګام پورته کړی او دواړه ماشومان يې وژلي دي.محلي پوليسو د پېښې رپورټ ثبت کړی او نورې پلټنې او څېړنې يې پيل کړې دي. دې خواشينونکې پېښه په سيمه کې د غم او وېرې فضا رامنځته کړې ده