مردان : د اینټي نارکوټکس فورس (اې این ایف) له خوا په خیبرپختونخوا کې د نشه ی توکو پر ضد ستر عملیات ترسره شول چې په نتیجه کې یې په مردان کې له بېلابېلو سیمو څخه ۴۲۶ کیلوګرامه چرس برآمد شوي دي
اې این ایف ویلي چې دا مواد له افغانستان څخه د ځايي همکارانو په مرسته په وړو کھیپونو کې د تیراه او باړې له لارې مردان ته راوړل کېدل او بیا به د هېواد نورو سیمو ته انتقالیدل
د ادارې په وینا، د مشکوکو موټرو تګ راتګ څارل شوی او په مهمو لارو کې اضافي امنیتي څارنه ترسره شوې ده. د عملیاتو پر مهال یو کس ونیول شو چې په موټر کې یې دا نشه ی توکي بار وو، د هغه د معلوماتو پر اساس له ګڼو کورونو څخه نور نشه يي مواد هم ترلاسه شول
تر اوسه ټولټال ۴۲۶ کیلوګرامه چرس او څلور موټر ضبط شوي او د نورو ککړو کسانو د نیولو هڅې روانې دي. اې این ایف وايي، نیول شوې چرس په نړیوال مارکېټ کې شاوخوا ۲ کروړه ۳۴ لکه امریکايي ډالره ارزښت لري
اداری ټینګار کړی چې هېواد د نشه يي موادو پر وړاندې د زېرو ټالرېنس پالیسي پر ځای ساتي. د اې این ایف د راپور له مخې، روان کال تر اوسه ۳۱ د مخدره موادو قاچاق شبکې له منځه وړل شوې، چې پکې اووه نړیوالې ډلې هم شاملې دي