کابل/اسلاماباد/دوشنبه : افغانستان دا دعوی په کلکه رد کړې چې د تاجکستان په ختیځ کې د درېو چینایي وګړو د وژل کېدو پېښه یې د افغان خاورې سره تړلې ده. د افغانستان پخواني سفیر عاطف مشعل، د پاکستان د دفاع وزیر خواجه اصف څرګندونو ته په غبرګون کې وویل چې افغانستان نور د ترهګرو ډلو مرکز نه دی پاتی او اوس د سیمهییزې لارو د تګ راتګ یوه مهم مرکز بلل کېږي
مشعل وویل چې په اوسني شرایطو کې د پخوانیو کیسو بیا تکرار د اوسنیو واقعیتونو نه پوهېدو ښکارندوی دی. هغه ټینګار وکړ چې سیمهییز ثبات د افغانستان د ملي ګټو لپاره لومړیتوب لري او یو باثباته افغانستان د ټولې سیمې لپاره ګټور دی. مشعل همدارنګه یادونه وکړه چې د چین او افغانستان اړیکې د متقابل باور، درناوي او اوږدمهاله همکارۍ پر بنسټ ولاړې دي او چینایي وګړي په افغانستان کې په خوندي ډول ژوند کوي. هغه وویل چې افغانستان د تاجکستان سره په اعتماد او همکارۍ کې یو رغنده پړاو ته داخلیږي
د پېښې په جریان کې، د تاجکستان او افغانستان په پولې سیمه کې وسلهوالو ډرونونو د تاجکستان په جنوبي ولایت ختلان کې د بهرنیو شرکتونو کارکوونکي په نښه کړي. د تاجکستان د بهرنیو چارو وزارت ویلي چې برید د ډرونونو او چاودېدونکو موادو په مرسته شوی او له افغان خاورې ترسره شوی دی.
د افغانستان د بهرنیو چارو وزارت هم دغه برید غندلی وو ، او زپلی کورنیو سره یې خواخوږي څرګنده کړې او له تاجکستان سره د ګډو پلټنو ژمنه کړې. چارواکو ټینګار وکړ چې عاملین به محاکمه شي او د بې ګناه کسانو ژوند او سیمهییز امنیت به خوندي ساتل د ملي لومړیتوبونو برخه وي
د پاکستان دفاع وزیر خواجه اصف دغه برید د افغانستان په خاورې کې د تاریخي ترهګریزو شبکو سره وتړلو، او د سیمې د همکارۍ اړتیا یې روښانه کړی وه پاکستان دغه برید یو ډارن ه ترهګریز عمل بللی، چین او تاجکستان سره یې خواخوږي څرګنده کړې او د طالبانو له لوري د افراطی ډلو ملاتړ د پای ته رسولو غوښتنه ی کړې وه.
د یادون ېده چې چین هم دغه برید غندلی او خپلو اتباعو ته ی سپارښتنه کړې چې د پولې سیمه پریږدي او هلته کار یا پانګونه ونه کړي دغه پېښه د سیمې د ګډ امنیت د همکارۍ اهمیت څرګندوي. تاجکستان، افغانستان او پاکستان ته سپارښتنه شوې چې د امنیت همغږي لا پياوړې کړي، او چین د خپلو اتباعو د خوندیتوب لپاره له سیمهییزو شریکانو سره ګډې هڅې جاري ساتي. کارپوهان وايي، ترهګري اوس یوه نړیواله او سیمهییزه ستونزه ده چې د ټولو اړخونو ګډ اقدام غواړي
نورخبرونه: افغان لوري ډرون برید: تاجکستان کې درې چینایی وګړي له منځه وړي