اسلامآباد: د پاکستان د بهرنیو چارو وزارت د تاجکستان په جنوب کې د ډرون په برید کې د یوې چینایي کمپنۍ د درې کارکوونکو د وژنې په کلکه غندنه کړې ده. پاکستان ویلي چې وسلهوال ډرونونه د افغانستان له خاورې خپل هدف ته رسیدل جدي ګواښ او د برید د تر سره کوونکو بې باکۍ څرګندوي
د تاجک چارواکو په وینا، د جنګې وسلو او بمونو ډک ډرون په مرسته پر چینایي کارکوونکو برید شوی چې ټول درې چینیان یې ووژلی دی
د پاکستان همغږي او غمرازي
د جمعې په ورځ خپره شوې اعلامیه کې، پاکستان د چین او تاجکستان سره خپله خواخوږي څرګنده کړې او د برید عمل ی یو لوی ډارن عمل بللی دی. وزارت ټینګار کړی چې د افغان خاورې کارول د ګاونډیو هېوادونو یا نورو هېوادونو پر ضد د برید لپاره هېڅکله د منلو نه دي
د وزارت وینا وه د ګاونډي په توګه چې پاکستان په پرلهپسې ډول د افغان خاورې له لارې د ترهګرو بریدونو سره مخ شوی، موږ د خپلو چینایي ملګرو او تاجک شریکانو د غم او اندېښنو سره په بشپړه توګه همدردي کوو
د سیمې لپاره د اقدام غوښتنه
د پاکستان بهرنیو چارو وزارت وویل یوازې د هغه کسانو پر ضد دې روښانه او باوري اقدام وشي چې له افغان خاورې ترهګریز فعالیتونه کوي،دا اقدام د سیمهییز ثبات لپاره ګټور دی. پاکستان ژمنه وکړه چې د چین، تاجکستان او نورو سیمهییزو شریکانو سره په نږدې همکارۍ به د سولې او ثبات ساتنې هڅې دوامداره کړي
د سیمې امنیتي اندېښنې
د افغانستان او تاجکستان ترمنځ د ۱،۳۵۰ کیلومتره غرنیزه پوله کې ترهګر فعاله پاتې دي. د پاکستان او افغانستان دوه اړخیزې اړیکې د ناقانونه ګرځول شوې تحریک طالبان پاکستان له لوري د سرحدي ترهګرۍ له امله ځپل شوې دي. افغان طالبان بیا تل ددې خبرې رد کوی چې ترهګر له دوی خاورې بریدونه کوي
د ملګرو ملتونو امنیتي شورا د داعش او القاعدې د بندیزونو کمیټې ویلي چې ټي ټي پي د مرکزي او جنوبي آسیا لپاره جدي ګواښ دی او له افغان چارواکو یې لوژستیکي او مادي ملاتړ ترلاسه کړی
د تاجکستان غبرګون د تاجکستان ولسمشر امام علي رحمان، چې له ۱۹۹۲ کال راهیسې په واک کې دی، پر طالبانو سخت انتقاد کړی او پر هغوی یې غږ کړی چې د افغان تاجکانو حقوق رعایت کړي. سره له دې چې تاجکستان له طالبانو سره په ځینو برخو کې محتاط تعامل کړی، خو په سرحدي سیمو کې د افراطیت په اړه تل خبردار پاتې دی. د تاجکستان د بهرنیو چارو وزارت ویلي چې په ګاونډي هېواد کې موقعیت لرونکې جنايي ډلې لا هم د سرحدي سیمو د بې ثباتۍ لپاره فعالیتونه ترسره کوي