دوشنبې: د تاجکستان د بهرنيو چارو وزارت د افغانستان له خاورې د ډرون برید پخلی کړې، په ډرون برید کې درې چينايي وګړي وژل شوي، وزارت تایید کړې چې د ۲۰۲۵م کال د نومبر په ۲۶مه شپه د افغانستان له خاورې يو مرګونی سرحدي ډرون بريد ترسره شوی چې په ترڅ کې درې چينايي اتباع وژل شوي دي
د وزارت د معلوماتو له مخې، برید د ایل ایل سي شوشین ایس ایم په نوم شرکت د کارکوونکو پر کمپ د ختلون ولايت کې شوی، دغه سیمه له افغانستان سره نېغ په نېغه پر پوله پرته ده.
د تاجکستان د حکومتي اعلاميې په وینا، برید د بېپیلوټه الوتکې (ډرون) په وسیله ترسره شوی، چې په کې لاسي بمونه او بارود ځای پر ځای شوې وو، چې د برید د تخنیکي پرمختګ او وژونکي ماهیت څرګندوی دی
د وژل شویو درې واړو کسانو هویت د ایل ایل سي شوشین ایس ایم شرکت کارکوونکي او د چین اتباع په توګه اعلان شوی دی
تاجیک چارواکو برید په سختو ټکو غندلی او هغه یې د په افغانستان کې د جنایي ډلو کار بللی دی
له افغان چارواکو څخه د ژر اقدام غوښتنه
دوشنبې خبرداری ورکړی چې تېر څو میاشتو کې د سرحدي ناامنۍ پېښې تکرار شوې، سره له دې چې تاجکستان هڅه کړې د پولو امنیت او ثبات خوندي وساتي، د بهرنيو چارو وزارت په بیړنۍ غوښتنه کې له کابل څخه د اغېزمن اقدام غوښتنه کړې
تاجک لوری د ژورې اندېښنې په څرګندولو سره دا بریدونه د ترهګرو ډلو عملونه بولي او له افغان واکمنو چارواکو غواړي چې د دواړو ګاونډيو هېوادونو پر پوله د ثبات او امنیت د ټينګښت لپاره جدي او مؤثر ګامونه واخلي