کابل /اسلام آباد: د افغانستان د اسلامي امارت د صنعت او سوداګرۍ وزیر، الحاج نورالدین عزیزی پرون نوي ډیلي ته د خپل رسمي سفر پر مهال د پراګتي میدان نړیوال سوداګریز نندارتون لیدنه وکړه ،په دې نندارتون کې افغان وزیر افغان سودګرو سره وکتل او د افغان شرکتونو سټالونه یې وکتل
د باختر خبري آژانس د راپور له مخې، د صنعت او سوداګرۍ وزیر د نندارتون له ګډون کوونکو افغان شرکتونو استازو سره وکتل او د دوی د فعالیتونو، پرمختګونو او لاسته راوړنو بشپړمعلومات ی ترلاسه کړل
په دې لیدنه کې افغان سوداګرو هند سره په سوداګرۍ کولو خوښي څرګنده کړه، خو د بانکي خدمتونو، ګمرکي چارو او تنظیمي قوانینو په ګډون ځينې ستونزې او ننګونو یادونه ی هم وکړه
په دې مهال د افغانستان تجارت وزیر الحاج نورالدین عزیزی افغان سوداګرو ته ډاډ ورکړ چې یادې ستونزې به د هند له اړوندو چارواکو سره شریکې شي او د حل لپاره به ی لازمې هڅې وشي ترڅو د افغان سوداګرو دا ستونزې هوارې شي او دوی له هند سره کلکي تجارتي اړیکې ولري
له دې سربېره، د صنعت او سوداګرۍ وزیر د هند د سوداګرۍ د پرمختیا د ادارې له لوړپوړو مسؤولینو سره ځانګړې ناسته هم وکړه، په دغه غونډه کې د سوداګریزو نندارتونونو ارزښت، د افغان شرکتونو فعاله ګډون، افغان شرکتونو لپاره یو ځانګړې پویلین جوړولو او ځانګړې کول، افغان تجارانو لپاره د ویزې د ترلاسه کولو اسانتیاوې، په نوي ډېلي او کابل کې د ګډ افغان–هند نندارتون جوړولو او د دوه اړخیزې اقتصادي همکارۍ د پیاوړتیا موضوعات ترخبرو لاندې راغلل او و څیړل شول
دلته مهمه ده چې یادونه وشی چې د افغان د سوداګرۍ وزارت پلاوي هند ته ته دغه سفر د اسلامي امارت د هغو هڅو یوه برخه ده چې موخه یې د افغانستان سوداګریز حضور د سیمې په بازارونو کې مستحکم کړي او او د افغانستان نورو هیوادونو سره سوداګریزې اړیکې پراخا کړي
هند سره نزدیوالې او د ضد سیاست
سیاسي او اقتصادي کارپوهان وایی چې کله نه چې طالب چارواکي هند ته په سیاسي او اقتصادي میدان کې ور نزدې کیږي ، د پاکستان په اړه د افغان طالب چارواکو په سوچ او سیاست کې د ضد او تضاد سیاست زیاتیږي
کارپوهان او څیړونکي وایی چې د افغان چارواکو دغه تګلاره به د سیمه د ناارامۍ او بې ثباتي په پایله تمامه شی ځکه هند په سیمه کې شخړو او جنګ ته لمن وهي
نورخبرونه: افغان سوداګردې نورو هیوادونو سره د تجارت لارې ولټوي: ملا برادر اخند
