د امریکا کانګرس په تازه راپور کې د هند سره په وروستۍ جګړه کې د پاکستان بریا تاید کړې ده ، د امریکا په کانګرس کې وړاندې شوي نوي راپور د پاکستان او هند ترمنځ په وروستۍ جګړه کې د پاکستان برلاسي په څرګندو ټکو منلې ده
دا راپور چې د
United States–China Economic & Security Review Commission
لخوا چمتو شوی،په دې راپور کې د دواړو هېوادونو ترمنځ د مې پر ۷مه شوې نښتې تفصیلي ارزونه شامله ده.راپور کې وایي چې په دې لنډه خو سخته جګړه کې پاکستان څرګنده بریا ترلاسه کړه ، په په اسنادو کې راغلي چې د پاکستان بریا کې د چین د عصري وسلو او پرمختللې ټیکنالوجۍ مهم رول ولوبول
د کمیشن د معلوماتو له مخې، پاکستان د هند رافیل جنګي الوتکې د هدف کولو لپاره چینایي میزایل دفاعي سیستمونه او پرمختللې تخنیکي وسایل وکارول، او د چین استخباراتو هم پاکستان ته مرستې برابرې کړې او پاکستان سره ی بشپړه مرسته وکړه
راپور زیاتوي چې هند پخپله منلې چې د جګړې پر مهال پاکستان د هغوی ۱۰۹ پوځي هدفونه ویشتلي دي
هندي چارواکي تور لګوي چې چین د جګړې په جریان کې په مستقیم ډول د پاکستان ملاتړ وکړ، چې له امله یې په سیمه کې ستراتېژیک سیالۍ نوره هم پسې زیاته شوې ده
راپور کې د چین او پاکستان د وروستیو ګډو پوځي تمرینونو یادونه هم شوې، چې پکې د ۲۰۲۴ په وروستیو کې درې اونۍ دوام لرونکې وارییر ۳ د ترهګرۍ ضد ګډې پوځي زده کړې او د ۲۰۲۵ کال پاک بحري ملټي نیشنل امني مشقونو کې د چین ګډون شامل دی.
همدا راپور د امریکا پخواني ولسمشر ډونلډ ټرمپ هغه خبره هم رااخلي، چې ویلي یې و چې د پاکستان او هند ترمنځ جګړه بای تر پیلیدلو رسیدلې وه، کمیشن وایي چې د مې د جګړې په پایله کې د چین وسلو خپله وړتیا نړۍ ته ور څرګنده کړه
راپور څرګندوي چې په جګړه کې د لومړي ځل لپاره د چین د پنځم نسل پرمختللي وسلې په واقعي سناریو کې استعمال شوې، چې پکې ایچ کیو ۹، د هوا دفاعي نظام ، پي ایل ۱۵، هوا څخه تر هوا میزایل او جې ۱۰ جنګي الوتکې شاملې وې او دا عصري وسلې په دې جنګ کې وکارول شوې
سربېره پر دې راپور وایي چې په جون ۲۰۲۵ کې چین پاکستان ته د جې ۳۵ پینځم نسل جنګي الوتکو جې کې ۵۰۰ الوتکو او پرم مختللي دفاعي سیسټم د ورکولو وړاندیز وکړ
په همدې موده کې پاکستان خپل دفاعي بودیجه کې ۲۰٪ زیاتوالی راوست او د ۲۰۲۵-۲۶ کال لپاره ټوله پوځي بودیجه ۹ میلیارده ډالر ته پورته کړه.
راپور زیاتوي چې جګړې وروسته په نړۍ کې د چین د وسلو د بازار لوړولو لپاره د چین سفارتخانو په ښکاره ډول د خپل پوځ د وسلو بریا وستایله
دا هم مهمه ده او باید یادونه وشي چې د امریکا ولسمشر ډونلډ ټرمپ څو څو ځل رسنیو سره خبرو کې دا خبره تاید کړې ده چې د پاکستان پوځي ځواکونو د هند جنګي الوتکې او رافیل رانسکورې کړې وې
نورخبرونه: پاکستان له خپله ځانه ډیر غټ هیواد هند ته ماتې ورکړې ده: عطا تارړ، د اطلاعاتو وفاقي وزیر