اسلام اباد/کابل: د اسلامي همکارۍ سازمان د سرمنشي د افغانستان لپاره ځانګړي استازي طارق علي بخیت، کابل ته خپل رسمي سفر کړی، نوموړی د او آیی سي د عمومي سيکتر پلاوي او د دغه سازمان د کابل د دفتر د چارواکو له یوې ډلې سره ملګری وو
د سفر پر مهال، ځانګړي استازي د افغانستان له یو شمېر وزیرانو او لوړپوړو چارواکو سره بیل بیل ملاقاتونه کړی . دوی د بهرنيو چارو وزير مولوي امیرخان متقي سره د ملاقات په وخت د افغانستان اړوند مهم موضوعاتو باندې ټینګار کړی او هغه مسایل چې د اسلامي سرمشریزې او د بهرنیو وزیرانو د شورا په پرېکړو کې ځای لري تکرار کړې دي
دواړو لورو د افغانستان په اړه د اسلامي همکارۍ سازمان د وزیرانو د تماس ډلې د وروستي غونډې پایلې هم وڅېړلې، هغه غونډه چې د ملګرو ملتونو د عمومي اسمبلې د روانې ناستې ترڅنګ په نیویارک کې ترسره شوې وه.
مهمه ده چې یادونه وشي چې د خبرو اترو مرکزي ټکي د افغان ولس لپاره د اسلامي نړۍ هیوادونو سازمان، او آیی سي پر دوامدار ملاتړ، د رغنده تعامل پر اهمیت، او د هغو اساسي موضوعاتو پر مخ بیولو باندې بحث وشو چې د سازمان په پرېکړو کې ورته اشاره شوې ده
