د ترهګرو د فعاليت لپاره له کارېدو څخه وساتي،په خپله خاوره ترهګرو له اجازه ور نه کړي او د کالعدم ګرځول شوو وسله والو ډلو پر ضد سخت ګامونه پورته کړي
پرون په پلازمینه اسلام اباد کې په اوونيز خبري بريفنګ کې د پاکستان د بهرنيو چارو د وزارت وياند طاهر اندرابي د پاکستان او افغانستان په اړه یو مهم ټکي ته د نړۍ او اړوند چارواکو پام راوګرځاوه.
اندرابي اوویل چې افغان طالبان د پښتون قومیت مسلې ته هوا ورکولو هڅې کوي، ټینګار ی وکړو چې له افغانستان څخه خو زیات پښتانه په پاکستان کې ژوند کوي
اندرابي دا هم اوویل چې په پاکستان کې فعال زياتره ترهګرې ډلې د افغان وګړو څخه تشکيل شوې دي او د هغوی په اړه ټول شواهد د افغان موقت حکومت سره شريک شوي دي ، د هغه په وینا افغان رژیم ته په کار ده چې خپله خاوره د ترهګرۍ لپاره د استفادې څخه منع کړي او خپله خاوره د پاکستان پر ضد د کارولو کله هم اجازه ور نه کړي
طاهر اندرابي وویل چې په افغانستان کې د ترهګرۍ ملاتړ کولو لپاره فتوی ورکړل شوې، خو پاکستان د ترهګرۍ د ریښې ختمولو لپاره پوره عزم لري او ترهګري په له جرړو اوباسي.د اندرابي په وینا د افغان طالبانو په حکومت کې دننه داسې کړۍ شته چې له بهر هیوادونو څخه مالي ملاتړ تر لاسه کوي او د پاکستان پر ضد يې کاروي
د پاکستان د بهرنيو چارو وزارت ویاند وړمه ورځ په اوونیز خبري کانفرنس کې د ايران د منځګړيتوب هڅې هم وستايلې او زياته يې کړه چې پاکستان باوري دی چې ايران کولای شي په دې برخه کې مهم رول ولوبوي. همدارنګه نوموړي وويل چې د روسيې د هر مثبت رول هرکلی به هم وشي