د ترکي په مرکزي اقتصادي ښار استنبول کې د پاکستان او افغان طالبان پلاویو ترمنځ په ۶م او ۷م نومبر مذاکرات يو ځل بيا له افغان لوري لیکلې ژمنه نه کولو له امله د ځنډ ښکار شول چې له امله يې د سيمې د امن او ثبات ګډې هڅې اغېزمنې شوې
د پاکستان پلاوي ،چې مشري د استخباراتو مشر لیفټننټ جنرال عاصم ملک کولو د ترکيې او قطر په منځګړيتوب په دغو مذاکراتو کې په جدي ډول ګډون وکړ او خپل دريځ يې روښانه او بېلچکه وساته او د افغان طالبانو ته ی وړاندې کړو. اسلاماباد څرګنده کړه چې د افغان حکومت زباني يا تشې ژمنې نور د منلو نه دي، بلکې هر ډول همکاري يوازې هغه وخت ممکنه ده چې له پاکستان سره یو لیکلې ژمنه وشی چې افغان خاوره به د پاکستان پر ضد نه کارول کیږي
کارپوهان او څیړنکار وایی چې د ترکي په خبرو کې د پاکستان بنسټيز او قانوني غوښتنلیک ډېر واضح ، د پاکستان دا غوښتنه او دریځ وو چې د افغان خاورې څخه د تحريک طالبان پاکستان او نور ترهګرې ډلې په بشپړتوګه له منځه یوړل شي ، ددې ترهګرو ډلو مشرانو سپارل او په دې اړه تحريري ژمنه کول چې افغان خاوره به د پاکستان پر ضد نه کارول کیږي
کارپوهان وایی چې که دې غوښتنې او د پاکستان دریځ ته وکتل شی نو دا غوښتنه د هېڅ يو هېواد د حاکميت خلاف نه ده، بلکې د ملګرو ملتونو د پرېکړو او نړيوالو اصولو سره په بشپړ ډول سمون لري. خو د پخوا په څېر دا ځل هم د افغان پلاوي له خوا په وروستيو پړاوونو کې له عملي ګامونو اخيستو انکار وشو، چې له امله يې مذاکرات ناکام شول، شنونکې وایی چې دا د افغان طالبانو په سفارتي کچه یوه لویه ناکامي ده چې دوی لیکلې ژمنه نه ورکوله او هم دوی له امله د استنبول خبرې ناکامه شوې
سیاسي او سفارتي چاروکارپوهان وایی چې د افغان طالبانو وياند ذبيحالله مجاهد وروستی بيان، چې پکې د پاکستان دريځ په غلط ډول انځور شوی، يو زوړ او تکراري تبليغاتي بيان دی، چې د هند له جوړ شوي روايت سره ورتهوالی لري. کارپوهان زیاتوي چې حقيقت دا دی چې د ټي ټي پي مشرتابه، روزنه او مالي شبکې لا هم د افغانستان په خاوره کې په ازاد ډول فعالې دي، ټي ټي پي جنګیالي په افغانستان کې د بریدونو پلانونه جوړوي او بیا دا بریدونه د پاکستان پر ضد ترسره کوي
پوهان وایی چې که افغان طالبان باوري وي چې له افغان خاورې دې ترهګري ختمه شی نو دوی باید له پاکستان سره لیکلې ژمنه وکړي او د ترکي او قطر په منځګړتوب یو ګډ میکانیزم جوړ کړي ترڅو دوی وکولې شی چې ترهګرو ته ماتې ورکړي ترڅو حقیقت د ټولې نړۍ او منځګړو هیوادونو په وړاندې څرګند شي
د سیاسي چارو پوهان وایی چې پاکستان تل افغانستان سره د خبرو اترو له لارې د ستونزو هوارولو هڅه کړې ده، پاکستان لوړ پوړه چارواکي کابل ته هم دې خبرې لپاره تللي دي ،پوهان زیاتوي چې پاکستان کله هم د افغان ولس په ضد کوم اقدام نه دې کړي او نه ی افغان حاکمیت چیلنج کړې دې ځکه نړۍ ویني ګوري چې پاکستان له څو لسیزو راهیسي په میلیونونه افغان کډوالو له په خپل هیواد کې ځای ورکړې دې او ددوی میلمستیا ی کړې ده
پوهان وایی چې له دې برعکس که افغان طالبان خپلو ژمنو ته وفادار نه پاتې کیږي نو بیا پاکستان هم حق لري چې د خپل اولس ژوند خوندي کړي، د پاکستان حکومت او پوځ دې ته چمتو دې چې د پاکستان او ددې هیواد وګړو دفاع وکړي او د افغانستان هرې سرغړونې په کلکه ځواب ورکړي.
پوهان وایی چې د ترهګرۍ په ضد جګړه کې پاکستان د لومړي قطار لوبغاړي رول لوبولې دې، په زرګونو عام وګړي ، سرکاري او امنیتي اهلکار ی شهیدان د ترهګرۍ په ضد جګړه کې شهیدان ورکړي دي نو وس وخت راغلې دې چې پاکستان د ترهګرو غبرګون او بریدونو ته ځواب ورکړي
د دفاعي چارو پوهانو ترمخه که افغان طالبان په حقیقت کې غواړي دوی له سیمې څخه ترهګري ختمه کړي نو باید دوی پاکستان سره لیکلې ژمنه وکړي چې د افغانستان خاوره به د پاکستان پر ضد نه کارول کیږي او که افغان طالبان دا کار نه کوي نو دا به ی موخه وی چې افغان طالبان د نورو په اشارو کار کوي او په دې سیمه کې نه غواړي امن او ثبات راشي