د افغانستان طالبانو سره د اسلاماباد مذاکراتي تګلاره له لومړي پړاو څخه تر اوسه روښانه او یوازې په یوه نقطه ولاړه پاتې ده- د ۲۰۲۵ د اکتوبر نولسمې نېټې په دوحه کې د لومړۍ ناستې څخه تر استانبول کې د دوهم او درېیم پړاو خبرو پورې، پاکستان تل یوازې یوه غوښتنه تکرار کړې او هغه داده چې د افغانستان خاوره دې د پاکستان پر ضد د ترهګرۍ د اډو په توګه نه کارول کېږي
د راپورونو له مخې، د استانبول په وروستیو مذاکراتو کې هم د پاکستان او افغان طالبانو ترمنځ دغه موضوع ترخبرو لاندې راغلې وه خو د دواړه لوري غوښتنې یو بل ته د منلو وړ ونه ګرځېدې
د افغان رسنیو ادعاوې او د پاکستان وضاحت
د آریانا نیوز او یو شمېر نورو افغان رسنیو د راپورونو له مخې، پاکستان له طالبانو څخه د فضا د کنټرول په اړه د باور غوښتنه کړې او یا یې د ترهګرو د افغانستان خاورې ته د انتقال خبره مطرح کړې ده خو د پاکستاني چارواکو په وینا، د دوی یوازینی غوښتنه دا ده چې افغان حکومت دې په لیکلي ډول پاکستان ته باور ورکړي چې د افغانستان له خاورې به د پاکستان پر ضد بریدونه نه ترسره کېږي
د اسلاماباد دریځ او امنیتي اندېښنې
اسلاماباد ټینګار کوي چې پاکستان د سرحدي سیمو له لوري د ترهګرۍ ښکار دی ، په ځانګړي ډول د تحریک طالبان پاکستان او د بلوچستان د ازادۍ پوځ ډلې هغه فعالیتونه چې د هېواد د داخلي امنیت لپاره جدي خطر ګڼل کېږي
پاکستاني چارواکي وایي چې د ملي امنیت حاکمیت او د خپلو وګړو تحفظ د دولت لومړنۍ ځانګړتیاوې دي نو ځکه یې له کابل څخه غوښتنه کړې چې د دغو ډلو د افغان خاورې دننه فعالیتونه پای ته ورسوي او دې ترهګرو ډلو په ضد اقدام وکړي
د ټي ټي پي موضوع او مذاکراتي اختلاف
راپورونه وایي، پاکستان له وړاندې له افغان لوري غوښتنه کړې وه چې د ټي ټي پي وسلهوال د سرحدي سیمو څخه لرې، د غزني په څېر سیمو ته انتقال شي، خو د طالبانو ځواب مایوسوونکی و.په همدې بنسټ، پاکستان د مذاکراتو پر مهال دا پوښتنه راپورته کړه چې کله چې تېر وړاندیز رد شو، نو بیا د همدې غوښتنې تکرار ولې معنا ولري؟ دا پوښتنه د خبرو اترو فضا کې د تاوتریخوالي او بېباورۍ سبب ګرځېده.
د ټي ټي پي په اړه د اسلام آباد روښانه دریځ
اسلاماباد په څرګنده توګه ویلي چې که د طالبانو حکومت د افغانستان له خاورې د پاکستان پر ضد بریدونه، د ټي ټي پي د نفوذ او سرحدي مداخلې مخه و نه نیسي، نو پاکستان به د خپل ملي دفاع لپاره لازم ګامونه پورته کړي
دغه پیغام د نړیوالو ډیپلوماتیکو چینلونو له لارې هم لېږدول شوی، څو دا واضح وښيي چې اسلاماباد د راتلونکو هر ډول احتمالي سرحدي عملیاتو د مخنیوي لپاره سیاسي او پوځي چمتووالی نیول.
که افغان طالبان همکاري و نه کړي نو پایله به څه وي؟
د استانبول وروستیو مذاکراتو څرګنده کړه چې که څه هم خبرې دوام موندلې شي خو د بریالیتوب لپاره یې بنسټیز شرط دا دی چې د افغان خاورې څخه د نورو هېوادونو پر ضد فعالیتونه ودرول شي ، تر هغه پرته د باور فضا رامنځته کول ناشوني دي، او د دواړو هېوادونو اړیکې به د بېباورۍ او تاوتریخوالي ښکار وي
کارپوهان باور لري چې د نړیوالې ټولنې اغېزمن نظارت او همغږۍ پرته به د دې ډول سرحدي او امنیتي شخړو حل ناممکن وي، د پاکستان او افغان طالبانو اړیکې به ترینګلې وی او دا به د سیمې د امنیتي وضعې په خرابیدو تمامیږي
نورخبرونه: افغان طالبان په قول او فعل کې تضاد لري