د پاکستان او افغان طالبانو ترمنځ د ۲۵م اکتوبر استنبول خبرو وروسته پریکړه شوې وه چې په ۶ م نومبر به دواړه هیوادونه د ترکي او قطر په منځګړتوب بیا خبرو ته کیښني ترڅو یوې بشپړ هوکړې ته ورسي او د سرحدونو د امنیت په اړه به هم د یو میکانیزم جوړولو په سر ټینګار او هوکړه وکړي
د پاکستان او افغان طالبانو پلاوي مشري څوک کوي؟
د سرچینو ترمخه په استنبول کې د پاکستان او افغان طالبانو پلاوي مشري د دواړو هیوادونو د استخباراتي ادارو مشران کوي، د سرچینو ترمخه د پاکستان د استخباراتو مشر لیفټیننټ جنرل عاصم ملک او د افغانستان د استخباراتو مشر عبدالحق واثق د خپل هیواد د پلاوي مشري کوي
د پاکستان او افغانستان د دواړو پلاویو سرچینو ترمخه د پاکستان او د افغان طالبانو د پلاویو تر منځ په استنبول کې د مذاکراتو درېیم پړاو له ۱۳ ساعتونو ډېر دوام وروسته پای ته ورسیدلو، د سرچينو په وينا، خبرې اترې د منځګړتيا کوونکو هیوادونو ترکي او قطر په حضور کې په یوه مثبته فضا کې ترسره شوې
دلته مهمه ده چې یادونه وشي چې د دواړو هیوادونو ځواکونو ترمنځ په سپین بولدک دروازه که څه هم امنیتي وضع وړمه ورځ یو ځل بیا خرابه شوه او د دواړو هېوادونو تر منځ په پوله نښتې هم وشوې خو دواړو ګاونډي هیوادونو خبرو ته د دوام ورکولو پرېکړه کړې ده۔ پلاوي ته نزدې سرچینو ویلي دي چې د دواړو پلاویو تر منځ به مذاکرات نن په ۷اووم نومبر د جمعې د لمانځه وروسته بيا پيل شي۔د پلاویو د سرچينو په وينا، که پرمختګ ښه وشي، نو د “استنبول بهير” يا “استنبول اعلاميه” د اعلان کولو امکان شته
دلته دا هم باید یادونه وشی چې د افغان لوري په پاکستاني پوستو او سیمو د بریدونو وروسته پاکستان له ۱۲م اکتوبر څخه چې نن ی ۲۷اووه یشتمه ورځ ده، خپل ټول سرحدونو د احتجاج په توګه د عام مسافرو تګ راتګ او سوداګریز فعالیتونو لپاره تړلي دي خو په دې وروستیو کې پاکستان لوري سپین بولدک او تورخم دروازې یوازې د افغان کډوالو لپاره چې له پاکستان څخه افغانستان ته واپس ستنیږي پر مخ پرانستل شوي دي
