په سوشل میډیا دې له کنځلو ډډه وشي

د انفارمیشن ټیکنالوجي له امله نن سبا نړۍ د یو ګلوبل ویلج یعني د یونړیوال کلي په څیر بدله شوي ده، یو تن په امریکا کې ناست دې، کینیډا کې دې یا په یورپ کې، که دې مسج ورته ولیږل نو په سیکنډونو کې د هغه موبایل ، یا ایمیل ته ورسیږي او هغه خبر شي

د پاکستان او افغانستان ترمنځ روان کړکیچ کې په سوشل میډیا پاڼو لیدل شوي د افغانستان ملاتړ کوونکي او د پاکستان ملاتړ کوونکي یو بل ته پرته له کوم ثبوت یا دلیل وړاندې کولو ،یوبل ته کنځلې کوي

د پاکستان او افغانستان اولس د اسلام سپیځلي دین له لارې  یوبل سره تړلي دي ،آخري پیغمبر محمد فرمایی چې مسلمانان ټول د یو جسم په څیر دي ، که د جسم په یو برخه کې درد وي نو بیا ټول جسم کې درد وي.

که دې پورته حدیث ته وکتل شی نو بیا ویلې شو چې د پاکستان او افغانستان وګړي باید د اسلام سپیځلي دین له امله داسې کار و نه کړي چې د  نړۍ خلک اووای چې د اسلام او ایمان په  پړي تړلي دا خلک یو بل ته کنځلې کوي، یو بل ته کنځلې کول، بد رد ویلو سره یو بل سره کرکه پیدا کیږي او نوې نوې دښمنۍ پیل کیږي، نو باید له کنځلو ډډه وشي

د پاکستان او افغانستان ترمنځ چې کومې ستونزې دي، که هغه د ډیورنډ کرښه ده او که بله کومه ستونزه، باید د دواړو هیوادونو مسلمانان یو بل ته کنځلې و نه کړي ځکه په پاکستان کې دا وس هم په لکونو افغانان ژوند کوي، ددوی کاروبار او ددوی خاندانونه دلته ژوند کوي نو بیا دا مناسب کار نه دې چې افغان وګړي د پاکستان په ضد داسې ټکي وکاروي چې له یو بل کرکه پیدا شي، هم داسې باید پاکستاني وګړي هم د افغانانو په ضد داسې کوم ټکي و نه کاروي ،باید مونږ ټول د صبر او زغم څخه کار واخلو او پرته له کومه ثبتوته یو بل ته کنخل و نه کړو