اسلاماباد : د پاکستان د دفاع وزير خواجه آصف د افغان طالبانو د وروستيو ګمراهکوونکو څرګندونو پر وړاندې غبرګون ښودلی، د افغان وزیرخارجه بیان ی رد کړې دې او ويلي دي چې د پاکستان سياسي او پوځي مشرتابه بشپړه همغږي لري ،زیاته کړې ی ده چې پاکستان به په سرحد د ترهګرو پر ضد اقدام ته دوام ورکړي
خواجه آصف په اېکس ، پخوانی ټويټر څرګنده کړې ده چې افغان طالبان د هند تر نفوذ لاندې پراکسيډلو له لارې په پاکستان کې د ترهګرۍ په فعاليتونو کې ښکېل دي، او د طالبانو حکومت په داخلي توګه د ګډوډۍ او بېثباتۍ سره مخ دی۔
د ده په وينا افغانستان کې د ښځو، ماشومانو او اقليتونو پر ضد ظلم او جبر د طالبانو اصلي څېره ده۔ ده زياته کړه چې د واک تر څلور کلونو وروسته هم طالبان نړيوالو ژمنو ته وفادار نه دي پاتې شوي او اوس د بهرنيو عناصرو د ایجنډا پر اساس عمل کوي۔
خواجه آصف وويل، د پاکستان سياسي او پوځي قيادت يو نظر لري او د افغانستان په اړه د پاکستان ملي تګلاره په ملي ګټو او سيمهييز ثبات ولاړه ده، ده څرګنده کړه چې پاکستان به د سرحدپراړخيزې ترهګرۍ پر ضد کلک ګامونه پورته کوي، ځکه چې درواغجن بيانونه حقايق نه شي بدلولای، د پاکستان دفاع وزیر ویلي دي چې باور هغه وخت بيا ټينګېږي چې عملي اقدامات وشي، زیات کړې ی ده چې باور د تشو تبليغاتي ويناوو له لارې نه شي ټینګیدلې
يادونه ده چې تر دې وړاندې پاکستان د افغان حکومت د وياند ذبيحالله مجاهد هغه بيان رد کړی و چې د استانبول خبرو اترو په اړه يې ورکړی و۔ د پاکستان د اطلاعاتو وزارت ويلي، افغان وياند د خبرو حقايق بدل کړي دي ، حال دا چې اسلاماباد له کابل څخه غوښتنه کړې وه چې د افغان خاورې پر هغو وسلوالو ډلو عملي اقدام وکړي چې د پاکستان پر ضد ی کاروي۔
وزارت زياته کړه چې کله پاکستان ددې ترهګرو د نیولو غوښتنه وکړه ، او د افغان اړخ په دعوی سره ی ددې ترهګرو پاکستان ته ورکولو وړاندیز وکړو نو پاکستان دا هم څرګنده کړه چې د سرحدي تګ نقطو له لارې دې د ترهګرو قانوني سپارل وشي
نورخبرونه
د شخړې بنسټ: د ټي ټي پي لوري افغان خاوره د پاکستان په ضد کارول
