د افغانستان اقتصادي پرمختګ په اړه یو مهم خبر مخې ته راغلې دې، اکونومیک ټایمز راپور ورکړی، چې واشنګټن او نوي ډیلي د ایران په چابهار بندر د تحریمونو پر معافیت هوکړه کړې، په ایراني بند دې بندیزونو لرې کولو سره به په دې بندر سوداګري ډیره وده وکړي او هند به خپل تجارتي توکي ایران او افغانستان ته انتقال کړي
د اکونومیک ټایمز د راپور له مخې، دغه بندر افغانستان او مرکزي اسیا کې د هند ارتباطي پروژو لپاره ځانګړی اهمیت لري او معافیت به یې د را روان ۲۰۲۶ کال تر لومړيو پورې دوام وکړي
دلته مهمه ده او باید یادونه وشی چې د چابهار بندر کوم چې د ایران سویلي سواحلو کې موقعیت لري د هند له لوري افغانستان ته د سوداګریزو توکو واردولو لپاره مهمه دروازه پېژندل کیږي
دغه بندر د هند، افغانستان او ایران ترمنځ د سوداګریزو راکړو ورکړو لپاره له مهمو او اصلي مسیرونو څخه دی
د هندي سرچېنو د معلوماتو له مخې روسیه هم په پام کې لري د قزاقستان او ازبکستان له لارو هند او یو شمېر نورو اسیاسي هېوادونو سره د سوداګریزو اړیکو پیاوړتیا لپاره له چابهار بندر څخه استفاده وکړي
دا هم باید یادونه وشي چې افغان سوداګرو په دې وروستیو کې خپل ټول پام چابهار په لور اړولې ترڅو دوی خپل توکي ایران او بیا نورې نړۍ ته انتقال کړي
نورخبرونه
پاکستان او افغانستان ترمینځ اقتصادي پرمختګ او ستونزې- په تورخم پوله مهمه غونډه
