د اسلامي جمهوريه پاکستان او افغانستان ترمنځ د قطر په پلازمینه دوحه کې په خبرو اترو کې دواړو هېوادونو مشرانو ترمنځ په سمدستي اوربند پریکړه شوې ده او دواړه هیوادونه په دې راضي شوي دي چې دوی جنګ نه کوي.
دلته مهمه ده او باید چې یادونه وشی چې دا خبرې اترې د قطر په کوربتوب شوې، او د ترکيې جمهوريت په دې خبرو اترو کې د منځګړي (ثالث) رول ولوباوه.
د قطر د بهرنيو چارو وزارت د اعلاميې له مخې، د مذاکراتو پر مهال دواړو لورو نه يوازې سمدستي اوربند موافقه وکړه، بلکې د دوه اړخيز سولې او ثبات د دوام لپاره یې پر يو دائمالعمل ميکانيزم هم اتفاق وکړو.
په اعلاميه کې ويل شوي، دواړه هېوادونه به په راتلونکو ورځو کې د تعقيبي غونډې یعندي فالو اَپ مېټنګ راجوړ کړي ترڅو د اوربند د عملي کېدو او د هغې د دوام ډاډ ترلاسه شي.
دغه اقدامات به د پاکستان او افغانستان هیوادونو په خاورو کې د امنيت او ثبات د پياوړتيا سبب وګرځي،دا هم باید یادونه وشی چې د امن لپاره دا خبرې تر ۱۳ ساعتونو پورې جاري وې کومې چې د اکتوبر په ۱۸مه نیټه ترسره شوې.
د پاکستان او افغانستان د دوحه مذاکرات او د امن هوکړې په اړه د قطر بهرنيو چارو وزارت هيله څرګنده کړې چې دا مهم پرمختګ به د دواړو ورور هېوادونو ترمنځ د سرحدي کړکېچ د ختمېدو او د سيمې د دايمي سولې د ټينګښت لپاره بنسټ کېږدي.
سرحدونه نن هم تړلي دي
د پاکستان او افغانستان طالبانو ترمنځ د وران کړکیچ اود افغان لوري برید په غبرګون کې پاکستان افغانستان سره خپل ټول سرحدونه( د تورخم په شمول) د هرقسم تګ راتګ لپاره تړلي دي، تورخم پوله هم له ۱۲ اکتوبر راهسي نن په اتمه ورځ هم تړلې ده.
دواړه لوري په سلګونو ټرکونه چې د سوداګریزو توکو ډک دي بند پاتې دي، سوداګر وایی دوی ته هره ورځ په لکونو روپیو زیان رسیږي او غوښتنه کوي چې پوله دې د عام اولس تګ راتګ او سوداګريزو فعالیتونو په مخ پرانستل شي
نورخبرونه